Chapter 18: Hatred

“STAY AWAY FROM my son! Stay away from him!” madiing turan ni Beatrice kay Cathy nang makasalubong niya ito sa hallway.

Ngumiti si Cathy kapagkuwan ay inayos ang kaniyang buhok. “Ayoko po ng gulo, Ma'am Beatrice. Mauna na po ako,” saad ni Cathy at nilagpasan na ang matanda.

Subalit hindi pa man siya nakakalayo ay hinawakan ng matanda ang braso niya at pinigilan siya. Binawi ni Cathy ang kaniyang braso mula sa matanda at humarap dito.

“Ma'am, ako na po ang nag-a-adjust. Hanggat maaari ay ayoko po ng gulo.”

Ngumisi si Beatrice. “Ayaw mo ng gulo? Kasi pinoprotektahan mo ang reputasyon mo bilang isang doktor? O ayaw mo ng gulo dahil ina ako ng ex-husband mo?”

“Pareho po, Ma'am Beatrice. Nakakabastos man po itong pagtalikod ko pero ito lang po ang nakikita kong paraan para walang gulong mangyari. Nirerespeto po kita, hindi dahil ina ka ni Phoenix, nirerespeto kita dahil ikaw po ang may-ari ng ospital na ito kung saan ako nagtatrabaho. Mauna na po ako.”

Pero hindi pa man nakakahakbang si Ca