Kabanata 61

Posturang-postura na pumasok si Gavin sa opisina ng kaniyang Lolo Gilberto. “Good morning, lolo!” Naroon rin sa loob si Maya kaya binati niya rin ito. “Magandang umaga, Maya!”

Hindi nagsalita si Maya. Walang emosyon siyang tumango kay Gavin saka ibinaling ang tingin sa kahit anong bagay sa opisina ni Don Gilberto na maaari niyang tingnan. Dahil sa pag-iwas niya na maka-eye to eye si Gavin, napansin nito na parang ilag siya sa rito.

"Maya, bakit naman ang cold mo sa akin? Kanina mo pa ako pilit iniiwasan at hindi pinapansin. May problema ba? M-may nakakahawa ba akong sakit kaya lumalayo ka?” pabirong sambit ni Gavin.

Napaawang at may ngiti sa labi ni Gavin habang sinasabi nito iyon kaya alam ni Don Gilberto na nagbibiro lamang ang kaniyang apo. Ngumiti siya habang napapailing. Tinapunan niya ng tingin si Maya bago magsalita. “Apo, ‘wag mo namang ganyanin si Maya. Baka nahihiya lang siya sa ‘yo kaya siya gan'yan.”

“Lolo naman! Masyado po kayong seryoso. Nagbibiro lang naman po ako.” Ku