Kabanata 64

“Kumusta ang pakiramdam mo, Maya? Ayos ka na ba?” tanong ni Gavin. Kapwa sila nakatutok ni Hope sa kagigising lang na si Maya.

“A-anong nangyari?” Sapo-sapo ni Maya ang kaniyang ulo habang tinatanong iyon. Hinihilot pa niya ang magkabila niyang sintido habang dahan-dahang ibinabangon ang sarili.

“Nawalan ka po ng malay kanina, mommy," ani Hope.

“Plano ko sanang dalhin ka na sa ospital, Maya. Ilang minuto ka na kasing walang malay. Buti na lang at gumising ka na.” Bakas ang pag-aalala sa boses ni Gavin.

“P-paano ako napunta rito?”

“Binuhat kita. Buti na lang at nagising na si Hope no’ng nahimatay ka kaya tinulungan niya ako," paliwanag ni Gavin. Patuloy pa rin niyang pinapaypayan si Maya mula sa labas. “Putlang-putla ka na kanina. Alalang-alala ako sa ‘yo.”

“P-pasensya na po kayo.” Pinalapit ni Maya si Hope at nang makalapit ito ay binigyan niya ito nang mahigpit na yakap. “Maraming salamat po sa pag-aasikaso sa akin at kay Hope. Buti na lang po at kasama namin kayo dahil kung hindi,