Kabanata 68

“Bwisit na Gavin ‘yon! I hate him to the bone. Hindi ba naman ako papasukin sa sarili kong kuwarto! Ughhh!” Ikinuyom ni Avva ang kaniyang kamao. “I hate you, Gavin! I hate you!"

Inis na naglakad si Avva patungo sa kuwarto ni Bia. Itinulog na lamang niya ang galit na nararamdaman niya kay Gavin.

Kinabukasan…

Pinupog ng halik ni Bia ang natutulog na si Gavin. Naalimpungatan tuloy siya dahil sa ginawa ng anak. Pilit na iminulat ni Gavin ang kaniyang mga mata. Ngumiti siya. “Oh, sweet little kisses. Thank you, baby!”

"No, daddy! Kami po dapat ni Hivo ang magpasalamat sa ‘yo." Nilingon ni Bia ang natutulog niyang kakambal.

Naguluhan si Gavin. Nagsalubong ang magkabilang kilay niya. Umayos siya ng p'westo. He reclined his back, bago tanungin ang anak. “Teka… hindi ko maintindihan, anak. Bakit naman kayo magpapasalamat sa akin?”

“Eh kasi daddy, sinamahan mo po kaming matulog dito ni Hivo. Tinabihan mo po kami sa pagtulog.”

“Iyon lang ba? Maliit na bagay lang naman ‘yon, anak! Lahat ng bagay