Kabanata 73

“Mommy, hindi ko pa po nakikita si lolo. Absent po ba siya today?” tanong ni Hope habang nakahalumbaba at nakatingin sa pinto ng opisina ni Don Gilberto.

“Anak, hindi natin palaging makakasama rito si Don Gilberto dahil marami siyang negosyong dapat pagtuunan ng pansin. He's a busy man. Isa pa, may pribado rin siyang buhay sa labas ng apat na sulok ng opisinang ito,” tugon ni Maya. Abala siya sa pagtitipa sa computer. Gumagawa siya ng documentation ng mga nagdaang meetings habang nag-che-check din siya ng emails. Katatapos lang din niyang mag-inventory ng office supplies para mailista ang mga kailangang i-replenish na supplies.

Ngumuso si Hope at humarap kay Maya.

“Mommy, naiinip po ako. Wala akong ka-play. P'wede po bang maglaro muna tayo kahit five minutes lang?”

Itinigil ni Maya ang kaniyang ginagawa. Tumayo siya at umikot sa mesa. Umupo siya sa tapat ni Hope at hinawakan ang dalawang kamay nito. “Anak, may usapan tayo hindi ba? Office hours ngayon kaya kailangan muna ni mommy na g