Kabanata 79

“Puno ang schedule ni Don Gilberto next week dahil sa mga pina-reschedule niyang meetings. Sana naman ay siputin na niya ang mga ito.” Nakapatong ang magkabilang kamay ni Maya sa keyboard ng laptop ng company at nagtitipa. Diretso ang tingin niya sa screen nang may mabasa siyang pangalang hindi pamilyar sa kaniya pero nakuha ang kaniyang atensyon. Nahinto si Maya sa pagtitipa. Napaisip siya. “Luke Larson… parang narinig ko na ang apelyidong iyon pero hindi ko lang mawari kung saan.”

Napansin ni Hope na mukhang stress na ang kaniyang ina kaya binuksan niya ang mini-fridge sa loob ng opisina ni Don Gilberto at kumuha ng bottled water. Naglakad siya palapit sa kaniyang ina at kinalabit ang hita nito.

Lumingon si Maya. Malaking ngiti ng kaniyang anak ang tumambad sa kanya.

“Mommy, you look stress. Uminom ka po muna," ani Hope. Nakataas ang kamay niya’t pilit na inaabot sa ina ang tubig na hawak niya.

"Thank you, anak." Kinuha ni Maya ang tubig na inaabot ni Hope at ipinatong ito sa la