Kabanata 87

“Gavin oh! Ibinili kita ng gamot. Uminom ka na muna," turan ni Maya. Iniabot niya ang isang tabletang binili niya para matanggal ang lula ni Gavin kasabay ng panulak na isang malamig na bottled water. “P-pasensya ka na. Kung alam ko lang na may motion sickness ka rin pala, hindi ka na sana namin isinama ni Hope sa pagsakay sa merry go round.”

Walang pag-aalinlangang kinuha ni Gavin ang gamot na binibigay ni Maya at agad itong ininom. “Ano ka ba naman, Maya, huwag mong sisihin ang sarili mo. Sa kagustuhan kong mapasaya si Hope, pinilit ko pa rin ang sarili ko kahit alam kong ganito ang posibleng mangyayari. Nakakahiya lang dahil sa harap mo pa ako nagkalat.”

“Sorry talaga! Inasar-asar pa kita kanina. Kung alam ko lang na iba na pala ang pakiramdam mo noong mga oras na ‘yon, bumaba na sana agad tayo sa rides na 'yon.” Bakas sa mukha ni Maya ang pag-aalala kay Gavin. Ilang beses din siyang nag-tempt na punasan ang butil-butil na pawis nito kaya lamang ay pinangunahan siya ng hiya.

Gaya n