Kabanata 94

Halos malaglag sa sahig ang panga ni Maya nang makita niya kung gaano kalawak at kaganda sa loob ng penthouse. Buong akala niya ay sa mga movies at magazines niya lamang makikita ang ganoong kagarbong lugar. Halos malula siya sa ganda ng interior designs at mga kakaibang kagamitan sa loob. Ingat na ingat siya sa bawat kilos niya dahil ayaw niyang makabasag ng kahit isang gamit doon. Alam niyang hindi basta-basta ang presyo ng mga iyon. Siguro nga ay milyon-milyong piso ang halaga ng bawat gamit sa loob!

Napangiti si Gavin nang makita niya ang reaksyon ni Maya. “You can have this place if you will allow me to have you, Maya,” mahinang bulong niya.

Mabilis na nilingon ni Maya si Gavin. “May sinasabi ka ba?” Tinigilan na niya ang pangongo-po rito dahil binantaan siya nitong hahalikan siya nito kapag hindi siya tumigil sa pangongo-po at pagtawag ng sir rito. Alam niyang hindi ito nagbibiro ng mga sandaling iyon dahil seryosong-seryoso ang mukha nito nang sabihin nito ang bagay na 'yon sa