Kabanata 96

“What’s wrong, Maya? Para kang nakakita ng multo,” natatawang sambit ni Gaia nang bigla siyang hilahin ni Maya papunta sa loob ng elevator. Kanina lang ay ayaw nitong paunlakan ang kaniyang imbitasyon na mag-umagahan sila ng sabay. Akala rin niya ay hindi ito papayag na bumuntot siya ngayong araw sa mga ito. Lubos siyang natuwa nang pumayag itong isama siya sa tirahan ng mga ito. Naka-schedule ang pagpunta niya ngayon sa mansyon ng kaniyang lola pero dahil ayaw niyang makita ang matanda, hindi niya susundin ang nais ng kaniyang ina.

“Pasensya na po, Ma’am Gaia,” ani Maya.

“Para saan naman?” tanong ni Gaia.

“Nahila ko po kasi kayo bigla papasok dito sa loob kanina,” nakayukong tugon ni Maya.

Tumawa nang mahina si Gaia. “Ano ka ba? That’s fine. Natutuwa nga ako at isasama mo ako sa mga lakad mo ngayon. I have no plans today kaya thank you for saving my day.”

“Mommy…”

“Good morning, Hope,” nakangiting bati ni Gaia.

Agad na kuminang ang mga mata ni Hope nang makita niya ang kapatid ng kan