Kabanata 95

Napahawak si Maya sa kaniyang ulo nang magising siya sa alarm ng kaniyang cell phone. Kumikirot iyon at parang binibiyak na animo’y nakalaklak siya ng pinakamatapang na alcoh0l.

“Aray. Ang sakit ng ulo ko. Ano bang nangyar—”

Natigilan si Maya nang mapagtanto niyang wala siyang kasaplot-saplot sa katawan. Namilog ang kaniyang mga mata nang maalala niya ang nangyari kagabi. Dahan-dahan niyang nilingon kung sino ang kaniyang katabi sa kama.

“G-Gavin…” Napasabunot si Maya sa kaniyang buhok nang mapagtantong may nangyari sa kanilang dalawa kagabi. Hindi naman sila mga lasing. Talagang nadala lang sila ng init ng kani-kanilang mga katawan. Nagpadala siya sa bugso ng kaniyang damdamin!

Marahang bumangon si Maya at dahan-dahang naglakad para pulutin ang kaniyang mga damit sa sahig. Mabilis siyang nagbihis. Inayos niya ang kaniyang sarili. Bago tuluyang lumabas ng silid ay nilingon niya muna ang mahimbing na natutulog na si Gavin.

‘Maling-mali ang ginawa ko. Hindi dapat kita pinatulan. May ana