Kabanata 97

Nagising si Gavin dahil sa sunod-sunod na pag vibrate ng kaniyang cell phone. Kinusot-kusot niya ang kaniyang mga mata at agad na napabalikwas sa higaan nang makita niyang tumatawag ang kaniyang best friend na si Fitz Larson. Mabilis niyang sinagot ang tawag nito.

[“What are you up to? Kanina pa akong tawag nang tawag sa’yo.”]

“Kagigising ko lang. Nasaan ka na ba?” Pumunta si Gavin sa kaniyang walk-in closet at dali-daling nagpalit ng damit.

[“Andito na ako sa hotel niyo. Nasa harap na ako ng pinto ng penthouse.”]

“Sige. Papunta na ako.” Inayos ni Gavin ang kaniyang buhok at saka naglakad pabalik sa direksyon ng kama. Kinuha niya ang kwintas ni Maya at saka niya dalas-dalas na tinungo ang pinaka front door ng penthouse. Pagkabukas niya ng pinto ay agad siyang niyakap ng kaniyang best friend.

“Long time no see, bro!” ani Fitz sabay gulo ng buhok ni Gavin.

“Kung saan-saan ka kasi naglalagi.” Naglakad si Gavin patungo sa isa sa mga couch at naupo roon. Humiwalay sa kaniya si Fitz at naup