Kabanata 90

“Gavin, ako na ang kakarga sa anak ko,” ani Maya habang natakbo palapit kina Gavin at Hope.

Matapos maghapunan ay dumiretso sina Gavin, Maya at Hope sa supermalls. Naglaro silang tatlo sa may kidzoona section kaya naman wala ng lakas si Hope para maglakad pabalik sa kinaroroonan ng sasakyan. Pumupungay na rin ang mga mata nito dahil sa sobrang pagod.

“Ako na Maya. Magaan lang naman si Hope,” nakangiting sambit ni Gavin habang patuloy sa paglalakad.

Nanatili si Maya sa likuran ng dalawa. Biglang sumagi sa isip niya ang matandang babaeng nakausap niya sa may restroom ng restaurant kanina. “Ah Gavin…”

Huminto si Gavin sa paglalakad at nilingon si Maya. “Ano ‘yon, Maya? May nakalimutan ka bang bilhin?”

Umiling si Maya. Gusto niya sanang itanong kung ano ang pangalan ng lola ni Gavin pero naunahan siya ng hiya. “Ah…Ano…Kapag nabigatan ka kay Hope, ibigay mo lang siya sa akin ha.”

‘She wants to ask something,’ Gavin thought while looking at Maya. He smiled. “What is it, Maya?”

“Ha? Wala. W