Kabanata 86

“L-Lolo, nasaan po si G-Gavin?” nakayukong tanong ni Avva.

Mula sa natutulog na si Bia ay nalipat ang tingin ni Don Gilberto sa kararating lang na si Avva. May mga dala itong prutas.

“Hindi pa kayo kasal ng apo ko kaya huwag mo muna akong tawaging lolo mo,” masungit na sambit ni Don Gilberto.

Umikot ang mga mata ni Avva. “Tinatawag na po kayo ng mga anak kong lolo at tinatawag na rin nilang daddy ang apo niyo KAHIT HINDI PA PO KAMI KASAL. Sa tingin ko ay wala naman po SIGURONG masama kung tatawagin ko rin kayong lolo.” Ngumiti siya nang peke.

‘Aba’t namilosopo pa ang babaeng ito!’ Hindi na lamang nagsalita si Don Gilberto dahil ayaw niyang tumaas ang kaniyang presyon. Pumikit na lamang siya nang mariin at saka ngumiti nang peke.

“Nasaan po si Gavin, lolo?” pag-uulit na tanong ni Avva.

“Mukha ba akong hanapan ng mga nawawalang tao?” sarkastikong banat ni Don Gilberto habang nakakalokong nginingitian si Avva. ‘Akala mo ba ay ikaw lang ang maalam mamilosopo? Hindi na talaga ako nagtataka