Kabanata 85

Walang pagsidlan ang tuwa nina Maya at Hope habang nakasakay sa merry go round. Malapad ang kanilang mga ngiti. Makikita rin sa kanilang mga mata ang kasiyahan.

“Hope, kumapit ka nang mabuti ha,” paalala ni Maya.

“Opo, mommy! Don't worry po, I'm a big girl na,” masayang sambit ni Hope.

“Gavin, okay ka lang ba r’yan sa likod?” tanong ni Maya nang mapansin niyang hindi ito masyadong nagsasalita.

“Uy, si mommy! Nag-aalala kay daddy!” pilyang pang-aasar ni Hope. Pinandilatan siya ng kaniyang ina.

Napangiti si Gavin nang kumustahin siya ni Maya. “Ayos lang ako, Maya. Guwapo at macho pa rin naman kaya huwag mo na akong alalahanin at mag-enjoy ka na lang,” aniya.

“Mommy, mag-enjoy ka raw po. Bakit po nakasimangot ka na?” usisa ni Hope.

“Ah wala, anak. Parang lumakas kasi bigla ang hangin,” pasaring ni Maya. ‘Mataas din pala talaga ang tingin ng mga mayayaman sa kanilang mga sarili pero sabagay… totoo naman ang mga sinabi ni Gavin. Guwapo at macho naman ta…’ Napapikit siya nang mariin. ‘Ano b