Kabanata 84

Mabilis na umagwat si Gavin kay Maya. “Malapit na tayo, Maya. Don't worry, aalalayan kita nang maayos. Hindi ka madadapa o matatapilok,” pag-iiba niya ng usapan. Namumula pa rin ang kaniyang mga tainga dahil sa nangyari. Hindi niya maipaliwanag kung bakit sa simpleng pagdidikit ng kanilang mga katawan ay gano’n na lamang ang reaksyon ng kaniyang pagkalalakí.

“Daddy, we're almost there! Yehey!” tuwang-tuwa habang naglululuksong sabi ni Hope. Biglang napawi ang ngiti niya nang makita niyang sobrang dami ng tao. “Daddy…”

Agad na na-gets ni Gavin kung ano ang kahulugan ng pagsimangot ni Hope. Ipinihit niya si Maya paharap sa kaniya at saka ito binulungan. “Don't open your eyes unless I say so or else, Hope will be disappointed. We're doing this for her. Okay?”

“Fine,” maikling tugon ni Maya.

“Aalisin ko na ang mga kamay ko sa mga mata mo. Huwag kang sisilip. Kapag sumilip ka, hahalíkan talaga kita,” pabirong turan ni Gavin.

‘Tinatakot ba niya ako? Makasilip kaya…’ Agad na inalog ni Maya a