Kabanata 81

Mabilis na sinundan ni Avva si Maya nang pumasok ito sa entrance ng hospital. Marahan ang hakbang niya habang dahan-dahang sumusunod sa taong itinuturing siyang pinakamatalik na kaibigan.

‘Saan kaya pupunta ang babaeng ito? Sino namang dadalawin niya rito?’ Inis na inikot ni Avva ang kaniyang mga mata habang nagmamasid sa bandang likuran ni Maya. ‘Of all the hospitals in this city, talagang dito pa talaga?’ Naging mas mapagmasid si Avva. Sa tuwing humihinto sina Maya at Hope sa paglalakad ay humihinto rin siya at nagtatago. Nang malapit na sa hagdan sina Maya, huminto ito ng biglang mag-ring ang cellphone nito.

[“Hello, Maya, nasaan ka na?"]

Hindi naririnig ni Avva ang sinasabi ng kausap ni Maya sa phone dahil hindi naman ito naka-loud speaker pero tiyak niyang maririnig niya naman ang mga sasabihin nito dahil ilang pulgada lamang ang layo nito sa kaniya.

"Narito na po kami ni Hope sa hospital, Sir Gilberto. Paakyat na po kami r'yan sa room kung saan naka-confine ang apo n'yo. Dala