Kabanata 72

Matapos manawa sa paglalaro, nagpasya si Don Gilberto na hiramin ang mga bata at ipasyal ang mga ito sa amusement park. Hindi naman humadlang ai Gavin sa nais niya.

"Malapit na po ba tayo sa pupuntahan natin, Lolo Gil?" masayang tanong ni Hivo. Halos gustuhin niyang magtatalon sa tuwa mula sa kaniyang kinauupuan.

“Oo, apo. Malapit na tayo," nakangiting tugon ni Don Gilberto. Nakaupo siya sa front seat at nakalingon sa backseat kung saan naroon ang dalawa niyang apo.

“Ang lalaki po ng mga bahay rito, Lolo Gil! Ang gaganda rin po. Mayayaman din po siguro ang may-ari ng mga ‘yan gaya n'yo ni daddy.” Nakatuon ang atensyon ni Bia sa mga gusaling natatanaw niya mula sa bintana.

“Lolo Gil, pwede po ba tayong sumakay sa ferris wheel? Mataas po iyon pero gusto ko pong maranasan ang sumakay do’n.”

Ngumisi si Don Gilberto. “S'yempre naman, Hivo. Pero siguraduhin mong kakayanin mo ang pagkahilo ha? Dapat matapang ka kapag gusto mong sumakay ro’n."

Habang nag-uusap sina Don Gilberto at Hivo,