Kabanata 67

Kararating lamang ni Gavin mula sa condo niya. Pababa pa lamang siya mula sa kaniyang big bike ng salubungin siya si Brandon.

“Sir Gavin, mabuti naman po at umuwi na kayo. Si Miss Avva po—”

"Anong meron kay Avva?” tanong ni Gavin habang hinuhubad ang helmet niya.

“Pinapagalitan na naman po niya ang inyong mga anak. Kanina pa po namin naririnig na umiiyak sina Senyorita Bia at Senyorito Hivo," sumbong ni Brandon.

"Ano na namang ginawa ng mga anak ko at pinagalitan na naman sila ni Avva?” Nagmadaling bumaba ng big bike si Gavin.

“Eh, sir hindi lang naman po iyon ang ginawa ni Miss Avva. Usap-usapan po rito sa villa ang kamalditahan niya kay Manang Elvira. Kumalat dito na umiyak raw ‘yong matanda dahil sa kaniya," dagdag na ulat ni Brandon.

Umiling si Gavin. Hinilot niya ang kaniyang sintido habang papasok siya sa loob ng villa. “Talagang problema ang ibinungad mo sa akin...”

“Sabi niyo po, i-report kong lahat sa inyo.”

“Hindi ba’t nagbilin ako? Kapag may ginawang kalokohan si Av