Kabanata 65

Nang marinig ang boses ni Hope ay agad na bumangon si Maya. Inayos niya ang suot niyang damit at pinandilatan si Hope. “Ikaw talagang bata ka! Puro ka kalokohan. Halika nga rito. Kumain ka muna.” Halos gustuhin niyang magpalamon sa lupa dahil sa sobrang kahihiyan. Hindi siya makatingin nang diretso kay Gavin habang ang binata naman ay patawa-tawa lang.

“Mommy, look oh! Tinatawanan ka ni daddy," dagdag pa ni Hope. Tumatawa na rin siya nang mapang-asar.

“Tumigil na kayo ha! Naiinis na ako. Hindi na nakakatuwa," ani Maya. Inikot niya ang kaniyang mga mata kay Gavin saka niya ito sinamaan ng tingin.

‘Bakit gano’n? Kapag si Avva ang gumagawa no’n sa akin, inis na inis ako. Pero kapag si Maya, tuwang-tuwa pa ako. Hay nako! Tuluyan na nga yata akong nahulog sa isang 'to,' sigaw ng isip ni Gavin. Bumalik siya sa ulirat nang bigla siyang hampasin ni Maya sa balikat. Mahina lamang ang hampas nito pero ginising no’n ang nakatulalang diwa nito.

“Dahan-dahan lang po sa pagtitig kay mommy, daddy!