Kabanata 47

Kumurap si Gavin. Hindi niya alam pero nasasaktan siyang makitang umiiyak ang mag-ina. At sa hindi malamang kadahilanan ay nasasaktan rin siya sa tuwing dumadapo ang mata niya sa maliit na kabaong. Minsan sumasagi sa isipan ni Gavin kung maaga silang nakarating sa apartment ay maililigtas kaya nila ang lalaking anak ni Maya? Hindi siya mahilig sa bata maliban na lang sa mga anak niya at kay Hope. Kung buhay lang siguro ang bata ay kasing bibo rin siguro iyon ni Hope.

Naglalakad si Maya habang karga-karga si Hope. Habang ang apat na katao ay karga ang kabaong ni Matthan, patuloy sa pagpatak ang mga luha niya at ng batang buhat niya.

Sa bawat hakbang ni Maya ay ramdam ni Gavin ang emosyon nito. Nais niyang lapitan ang babae at aluin ito. Ngunit ayaw rin naman niyang magmukhang epal at basta na lamang pumapel at lumapit kay Maya.

Nang ipasok na sa sasakyan si Matthan ay hindi na nag-atubiling kumilos pa si Gavin at nilapitan na niya si Maya. Aabutan na sana niya ito ng tubig ngunit bag