Kabanata 53

Napaatras si Maya nang makita si Avva kasama ang mga anak nito at si Gavin. Hindi niya alam ngunit kusang kumilos ang mga paa niya at tumakbo siya papalayo. Nagtungo siya sa isang pasilyo. Nakita niya ang isang hagdan at doon nagtago. Malakas ang kabog ng dibdib niya. Napahawak siya roon.

“B-bakit sila magkasama?” bulong ni Maya sa sarili. May naiisip na siyang rason ngunit pilit na ibinabaon ng utak niya iyon. Ayaw niyang mag-isip ng kung ano. Ayaw niyang paniwalaan ang nakita ng mga mata niya.

Halos mabaliw na si Maya kakahintay na umalis ang mga ito. Halos ilang minuto rin ang inilagi niya sa hagdan. Nagpasya siyang bumalik roon at hindi na niya nakita sina Avva at Gavin. Nang makapasok siya loob ng unit niya ay balisa siya.

“Mommy?” kunot-noong tawag ni Hope nang makita ang kaniyang mommy.

Mabilis na ngumiti si Maya. “Yes, anak?”

“Si lolo po?”

Tumabi si Maya kay Hope at humingan nang malalim. “Nakauwi na. Magtatrabaho na si mommy bukas. Kakausapin ko si Don Gilberto kung ma