Kabanata 54

Nang bumukas ang pinto ng kaniyang opisina ay agad na ibinaba ni Luke ang telepono niya sa ibabaw ng kaniyang lamesa. Lumunok siya at binati ang kakapasok lang na si Garret Lawson—ang isa sa matalik niyang kaibigan.

“What brings you here, Garret? Matagal-tagal na rin mula nang huli mo akong bisitahin ah!” bungad ni Luke. Kinuha niya ang bote ng whiskey at saka sinalinan ang kaniyang baso.

“It’s too early to drink. M-may problema ba?”

“Wala naman, pare! Gusto ko lang uminom ng kaunti. Alam mo na, pampa-relax. Tambak kasi ang workloads ko lately. T-teka, maiba ako. You seemed happy earlier no’ng pumasok ka. What’s the matter? May panibago ka na namang babae, ‘no?” Kinuha ni Luke ang baso niyang may lamang whiskey at inalog ito saka niya dahan-dahang ininom.

Kumurba ang malaking ngiti sa magkabilang labi ni Garret. Hinila niya ang upuang nasa sulok ng opisina ni Luke at ipinuwesto ito sa harap ng kaibigan. “Actually, she’s not a new girl, pare. She’s from my past. Ilang taon ko na siy