Kabanata 48

SLAP!

Nanlaki ang mga mata ni Avva habang nakahawak sa namumula niyang pisngi. Nais niya sanang sampalin pabalik si Maya pero ayaw niyang masira ang kaniyang mga plano.

“Ang kapal ng mukha mo para magpakita sa ‘kin matapos mong iwan sa apartment ang mga anak ko!” Bawat salitang lumalabas sa labi ni Maya ay puno ng pait at poot.

“M-Maya… hindi ko alam ang nangyari. N-nito ko lang nalaman. I am sorry,” Avva started to cry like a lost cat.

“K-kung sana tinawagan mo man lang ako ng araw na iyon, maililigtas ko sana si Matthan… Baka sakaling buhay pa ang anak ko!” nanginginig na wika ni Maya. Hindi siya bayolenteng tao. Kahit kailan ay hindi pumasok sa isipan niya ang manakit ng kapwa ngunit sa pagkakataong ‘to, nagdidilim ang paningin niya. Gusto niyang paulit-ulit na saktan si Avva.

“Hindi ko sinasadya, Maya. N-nawala na sa isipan kong tawag–”

“Nawala sa isipan mo? HA!” hindi makapaniwalang sambit ni Maya.

“Huwag mo namang isisi sa ‘kin ang lahat, Maya! Hindi ko kasalanan ang nangyari