Chapter 175

Tumango si Luke at bahagyang lumapit. Huminga ito nang malalim bago magsalita. “Anim na taon ang nakakalipas nang manganak si Ma’am Klaire sa isang pribadong ospital sa Changi. Nakuha ko ang impormasyong nakarehistro sa ospital, at sinasabi rito na si Ma’am Klaire ay…” Napalunok si Luke bago magpatuloy. “... si Ma’am Klaire ay nanganak ng quadruplets.”

Tila ba tumigil ang mundo ni Alejandro sa narinig. May kung ano ang bumundol sa kaniyang puso at nanlamig ang kaniyang mga kamay.

Quadruplets?

“Pero namatay ang dalawang sanggol matapos ng mga itong mapanganak,” patuloy pa ni Luke na labis na kinadurog ng kalooban ni Alejandro.

Nakuyom niya ang nanlalamig niyang kamao, habang pilit na pinoproseso ang mga nalaman. Napalunok siya at biglang nabalisa.

“That means… Klaire gave birth not only to Nico and Natasha, but we had two more babies?”

Malungkot na tumango si Luke.

“Opo, Boss. Pero namatay ang dalawa. Isang lalaki at batang sanggol ang namatay.”

Napasinghap si Alejandro. He sudden