Chapter 174

Hindi makapaniwala si Don Armando sa nalaman. Kaya pala hindi niya nakikita ang mga anak ni Klaire kapag dumadalaw siya sa villa nito. Malamang ay pinoprotektahan ng babae ang mga anak nito dahil kamukhang-kamukha ng mga ito ang mga batang pinalaki sa pamilya Fuentabella.

“Kung gano’n ay matagal na niyang tinatago ito sa anak ko?”

Sa pag-iisip na nililihim ni Klaire ang katotohanan at ang pagpapalaki sa dalawa pang bata sa matagal na panahon, tila ba ay aatikihin sa puso ang Don.

“Maupo muna kayo, Boss,” wika ng bodyguard niya nang mapanhin na malalim na ang paghinga niya.

Tumango siya at dahan-dahang naupo sa couch at tiningnang muli ang larawan sa phone ng tauhan niya. Unti-unting nawala ang kaguluhan sa kaniyang isip at napapalitan ito ng pagkamangha at kasiyahan. Hindi maisawan ng matanda na mapangiti habang pinagmamasdan ang apat na kambal.

Ang tanging katanungan lamang sa isip niya ay kung bakit nililihim ito ni Klaire… bakit hindi nito kinompronta si Alejandro?

Alam ba ni A