Chapter 177

Pagkahinto ng kotse sa harap ng Red Crystal Club ay huminga nang malalim si Alejandro. Marami pa ring tumatakbo sa isip niya at may kung ano’ng lungkot sa puso dahil sa mga nalaman niya habang nasa Singapore, ngunit pilit niyang itinago ang pagluluksa upang magawa ang pakay niya sa lugar na ‘yon nang maayos.

Pagkalabas ng kotse ay inayos niya ang butones ng suot na suit, papasok na sana sila ni Luke sa loob nang marinig ang pamilyar na mga boses hindi kalayuan sa kanila.

“Help! We need help!” sigaw ni Feliz.

Kumunot ang noo niya sa nakita. Ano ang ginagawa nina Feliz at Olga sa lugar na ‘yon?

Maging si Luke ay nagtataka at bumaling sa kaniya.

“Mukhang kailangan nila ng tulong, Boss?”

Tiningnan ni Alejandro ang oras sa kaniyang relos. May limang minuto pa siya bago ang meeting nila ni Mr. Smith. He then walked towards the women screaming for help.

“What’s going on here?” seryoso niyang tanong sa mga babae.

Agad namang nabuhayan sina Feliz at Olga nang makita siya.

Tinuro ni Fel