Chapter 171

Hindi natapos nang gano’n lamang ang pag-iiskandalo ni Melissa Fuentabella. Walang anino ng pagsisisi ang ginang at maraming beses pang ininsulto si Klaire. Mabuti na lamang at dumating si Don Armando na siyang kinagulat ng lahat.

Tila ba naubos na ang pisi ng pasensya ng matanda kaya naman inalis na nito ang asawa bilang chairman ng kumpanya. Umaksyon din si Alejandro at sinabing hindi na pwedeng tumuntong ang ina sa kumpanya kung walang pahintulot nilang mag-ama. Sinimulan na rin ang imbestigasyon para mahanap ang tunay na nagbenta ng formula sa mga Vesarius.

Ramdam ni Klaire ang pagod ng kaniyang isipan nang makauwi siya. Sinalubong siya ng kaniyang Lola Sonya, ang mukha ay may pag-aalala.

“Oh, hija, bakit naman para kang binagsakan ng langit at lupa? May nangyari ba sa trabaho mo?”

Tiningnan niya ang lola niya at saka niyakap ito. “Wala po, La. Pagod lang po sa trabaho. Okay lang po ako.”

Dahil na rin kagagaling lang sa ospital ng matanda ay ayaw na ni Klaire na malaman nito a