CHAPTER 17

Dali-daling inayos ni Rhea ang mga strap ng suot niyang damit. Dala ng pagkadarang sa mga ginawa ni Sergio kanina ay hindi na niya namalayang halos mahubad na ng binata ang saplot niya sa katawan. Halos malantad na nga sa paningin nito ang kanyang mga dibdib.

Sergio waited until she finished fixing herself. Nang masigurong nakaayos na ulit ang damit niya ay saka siya nito binitiwan at hinarap sina Fabian at Rebecca.

"M-Mama..." sambit niya sa nahihiyang tinig. Parang gusto niya na lang hilinging lamunin siya ng lupa dahil sa kaisipang nahuli sila ni Sergio sa isang alanganing sitwasyon.

"W-What is this, Gio? What is the meaning of this?" Rebecca blurted out. Mas si Sergio ang binalingan nito kaysa sa kanya. Mula sa may entrada ng kuwadra ay tuluyan pa itong pumasok kasunod si Fabian at nilapitan sila ni Sergio.

"I can explain, Auntie," seryosong sabi ni Sergio. Buo pa rin ang tinig nito at ni hindi man lang kinabakasan ng pagkabahala. Hindi niya alam kung magaling lang magdala ang bin