CHAPTER 21

"Magandang umaga, Ma'am Rhea," nakangiting bati ni Janjan sa kanya nang maabutan niya ito sa may kuwadra nang sumunod na araw. Abala ang binata sa paglilinis roon at pag-aayos ng ilang sinako na hindi niya alam kung ano ang laman.

"Magandang umaga rin," ganting bati niya rito sabay gala ng kanyang mga mata sa paligid. "S-Si... Si Sergio?"

"Naku, Ma'am, kaaalis-alis lang ho. May kailangan lang kausapin sa may bukana ng rancho. May bagong parokyanong nais kumuha ng ilang produkto rito. Nasa may bukana ho kasi ang dalang truck kaya sinadya na lang ni Sir doon."

"I-I see..." biglang nanlumo niyang saad rito.

Hindi niya na naman naabutan ang binata. Kahapon, ang balak niyang humiling dito na mangabayo sila ay hindi natuloy. Hindi na kasi siya lumabas ng bahay matapos niyang makausap si Sofia. Hindi niya maintindihan sa kanyang sarili pero hindi nawala sa kanyang isipan ang naging takbo ng usapan nila. Pakiramdam niya ay may kaakibat na pagbabanta ang mga huling sinabi nito.

Ngayong umaga n