CHAPTER 28

"You are getting what?!" malakas na bulalas ni Jeselle mula sa kabilang linya.

Mariing napapikit si Rhea nang marinig niya ang malakas na boses ng kanyang kaibigan. Pakiramdam niya pa ay mababasag ang kanyang eardrum dahil sa paraan ng pagsalita nito. Kausap niya sa kanyang cell phone si Jeselle at ibinalita niya rito na malapit na siyang ikasal.

"Ano ba naman, Jes, masisira ang tainga ko sa iyo," pananaway niya rito.

"Kung kaharap mo ako ay hindi lang pagsigaw ang magagawa ko, Rhea. Baka maglupasay ako rito marinig ko lang ang mga kuwento mo," dire-diretso nitong pagsasalita. "Kaya linawin mo ang mga sinabi mo. What do you mean you are getting married? Paano nangyari iyan? Ni wala kang nababanggit na may kasintahan ka tapos ngayon ay sasabihin mong ikakasal ka na? At kanino---"

"Kay Sergio," mabilis niyang singit sa pagsasalita nito dahilan para matahimik ang kaibigan niya.

May ilang saglit na hindi nakaimik si Jeselle mula sa kabilang linya. Wari bang pinoproseso nito sa isipan ang