Capitulo Trese

Nagising si Arabella dahil sa uhaw. Hindi niya namalayang nakatulog pala siya katabi ang asawa niya. Himbing na himbing pa rin si Hendrix–napangiwi siya. Naisahan na naman siya ng asawa niya. Natulala siya at napatitig sa kisame. Hindi niya alam kung paano lulusutan ang pamilyang Leviste. Hanggat dala-dala niya ang apelyido ng mga ito ay hindi siya tatantanan ng mga ito.

Dahan-dahan siyang umalis sa kama. Ang balak niya ngayon ay lumipat ng silid. Kapag nakahanap na siya ng paraan ay tatakas siya mula sa mga Leviste. Masyadong malaki ang kailangan para makapag-file siya ng annulment. Ang perang mayroon siya ay hindi umaabot sa tatlong daang libong piso. The estimated amount for annulment is around seven hundred thousand pesos.

Aabutin pa siya ng ilang taon para malikom ang gano’n kalaking halaga. Sumulyap siya kay Hendrix—napaka amo ng mukha. Hindi aakalaing may lahing satanas ito. Tumunog ang cellphone ng asawa niya. She knows it’s Abegail again.

Lumabas na siya sa silid nilang ma