CHAPTER 19

“…Uuwi na lang kami sa Nueva Ecija.”

Para akong binuhusan ng malamig na tubig nang marinig kong sabihin iyon ni mama. Hindi pa dapat ako magkikilos pero pinilit kong tumayo upang puntahan sina mama at papa, pagbukas ko ng pinto ay narinig ko ang turan na iyon ni mama.

Aalis? For what reason? Tatakbuhan na naman ba niya ang problema? Itatago na naman niya ba ang sa katotohanan? Bakit kailangang maging selfish siya? Confirmation lang naman galing sa kanya ang kailangan ko pero bakit pilit niya pa akong pinapahirapan.

“Walang aalis! Anak ko si Janine kaya wala siyang karapatan sa kanya. May dahilan pa ba para iwasan sila? Bakit hindi mo harapin ang nararamdaman mo para sa kanila?” pagkontra naman ni papa.

Bakit nga ba ganito si mama? Bakit parang hirap sa kanyang harapin sina Tito Gem? Ano bang nangyari sa pagitan nila noon? H’wag niyang sabihin na hindi pa rin siya nakaka-move on.

“Akala mo ba ay madali para sa ‘kin ‘to? Saksi ka sa mga pinagdaanan ko—”

Nanlalaki ang matang natigi