CHAPTER 13

“Anak, may naghahanap sa ‘yo sa labas.”

Nakarinig ako ng sunod-sunod na katok sa pinto ng kwarto ko. Alam kong si mama iyon pero anong ginagawa niya rito? Hindi ba dapat ay nasa Shop pa rin siya hanggang ngayon?

Agad akong bumangon mula sa kama’t tinungo ang pinto. “Ma, bakit ang aga niyo naman po umuwi?”

“Ang mga staff ko na ang bahala sa Shop. Hindi ko naman hahayaan na mag-isa na rito sa bahay gayong masama pa ang pakiramdam mo. Kamusta ka na pala?”

“I’m fine po.”

Hindi ako pumasok ngayong araw at nagdahilan lang ako sa parents ko na masama ang pakiramdam ko. Ang sabi ni papa ay baka pagod lang daw ako pero ang hindi nila alam ay may tinataguan lang talaga ako. Hindi ko kasi alam kung paano haharapin si Gemar pagkatapos ng mga sinabi niya kahapon. Alam kong malaki ang Campus pero hindi malabong magkita kami lalo na kung pupuntahan niya ako.

Gulong-gulo pa rin ako kaya kailangan ko pa talaga ng panahon para makapag-isip. Maraming gumugulong tanong