Bumagsak ang panga ko. Maang akong napatitig sa lalaking nasa harapan ko. Kalaunan ay ilang beses akong napapikit para lang ibalik ang kaluluwa sa aking katawang lupa. Bukod sa sinabi niyang iyon, hindi ko naiwasang purihin siya sa utak ko.
Matangkad ang lalaki, matipuno ang katawan at halos manuot sa ilong ko ang pabangong ginamit nito. Sobrang bango. Napalunok ako, ilang sandali nang mapapitlag ako. Kaagad kong ikinunot ang noo, kasabay nang pagtataas ko ng kilay dito. Una sa lahat, sino ba siya para hatakin ako ng walang pasabi? Pangalawa, sinong nagbigay sa kaniya ng karapatan na pagsalitaan ako ng ganoon? Hiningi ko ba? "Who the fvck are you?" giit ko sa mababa at madiing boses, pero sapat na rin naman na upang umabot sa pandinig niya. "Hindi ba ay galit ka sa mga taong kabit?" Tumagilid ang ulo ng lalaki, tila pa nang-uuyam. "Sa ginagawa mo, parang hindi rin ka rin naiiba sa kanila." Pagak akong natawa. "Kailan ko pa hiningi ang opinyon mo?" maanghang kong palatak at saka pa siya tinulak, pero ako pa itong napaatras sa laki at tigas ng kaniyang katawan. Muli ko siyang tinitigan. Nanlalabo ang paningin ko at hindi ko siya ganoon ma-visualize. Tanging katawan lang nito ang tinatanggap ng utak ko. Literal na umiikot ang mundo ko. Ni hindi ko na magawang tumayo nang tuwid at panay ang paggewang ko mula sa kinatatayuan ko. Hindi ko alam kung malaking tulong na ba sa akin na hawak ng lalaki ang isang braso ko at hindi ako tuluyang natutumba. Ngunit sa sobrang higpit nang pagkakahawak niya ay nasasaktan ako, dama kong bumabakat ang mga daliri nito sa aking balat. "Umuwi ka na sa inyo," malamig niyang bigkas, natawa ulit ako. "Sino ka ba sa inaakala mo? Masyado kang pakialamero. Uuwi ako kung kailan ko gusto," anas ko at tinangkang hawiin ang kamay niya ngunit mas humigpit iyon. Napatili ulit ako nang kaladkarin niya ako palabas ng bar. Panay ang sigaw ko, pero may kaniya-kaniyang mundo ang mga tao sa loob ng bar kaya wala silang naging pakialam sa akin. Kahit siguro kidnapper ang lalaking ito ay walang tutulong sa akin. The fvck. Hindi ko namalayang tumutulo na pala ang luha sa pisngi ko. Walang hiya! Hindi ko rin alam kung saan ako umiiyak, kung anong rason— sa katotohanan bang wala akong kakampi kahit dito sa bar, o dahil sa sinapit ng pamilya ko? God damn it! Mabigat ang dibdib ko. Halos hindi na ako makahinga at sobrang naghihinagpis ang kalooban ko. Kahit kailan, kahit sa kabilang buhay pa 'yan, never kong matatanggap ang bagong boyfriend ni Mommy. Magmakaawa man siya, lumuhod, umiyak ng dugo, mananatiling hindi ang sagot ko. Hindi ko sila tatanggapin dahil sa kaparehong rason kung bakit nasira ang pamilya namin. Galit ako sa mga kabit, mapababae man o lalaki. At sinusumpa ko na oras na makita ko ang babae ni Daddy ay hinding-hindi ko siya palalampasin. Lahat ng anak o kamag-anak ng babae niya ay makakatikim ng galit ko. Maging ang lalaki ni Mommy. Ibabalik ko sa kanila iyong sakit na naramdaman ko. Rebelde na akong maituturing, bakit hindi ko pa sasagarin 'di ba? Damay-damay na 'to. "Bitawan mo na ako," kalaunan ay bigkas ko nang tumigil kami sa parking lot ng bar. "Uuwi ako. Tumabi ka." "Lasing ka, paano ka makakapagmaneho?" usal ng lalaki na sobrang nagpapapigtas sa litid ko at gusto ko na siyang sampalin. Sa totoo lang ay maikli lang ang pasensya ko, baka hindi lang masasakit na salita ang sapitin niya sa akin. Hindi ako naturingang warfreak sa school ng walang dahilan. "Ano bang pakialam mo? Fvck! Just leave me alone, you fvckin' son of a bítch! Kung maaksidente o mamatay man ako ay wala ka na roon!" Marahas ko siyang itinulak, saka pa madaling tumalikod. Hinanap ng mga mata ko ang kotse ko. Nagmamartsa ako at dinig na dinig ang bigat sa bawat yabag ko. Hindi nagtagal, nahanap ko nga, pero tangina at iyong susi naman ang nawawala! Malas talagang buhay ito! Argh! Kinapa-kapa ko ang bulsa ng pants ko. Lahat ng pwede kong paglagyan ay kinapa ko. Hanggang sa mapasigaw na lang ako sa inis. Sunud-sunod kong pinagsisipa ang gulong ng kotse ko, maging ang harapan nito. Gusto kong magwala, umiyak at ilabas lahat itong nararamdaman ko. Hindi ko na alam, para na akong sasabog. Ang sakit-sakit. Ako iyong nasasaktan sa ginagawa ko, pero baliwala iyon sa akin ngayon. Mas masakit pa rin kasi iyong iniinda ng puso ko. Iba pa rin iyong sakit sa kaalamang niloko kami ni Daddy, kaysa sa niloko ako ng boyfriend ko. "Are you looking for this?" baritonong boses mula sa likuran ko. Nang malingunan ay hindi ko namalayang nakasunod pala sa akin ang lalaki. Mula pa sa isang kamay niya ay naroon ang susi ng kotse ko. Maamo ang mukha niya, pero hindi iyon kayang tapatan ng labi niyang nakangisi. Ano bang problema niya? "Ibigay mo iyan sa akin. Huwag ka nang mangialam, and just mind your own fvckin' business." Humakbang ako, siyang pag-abante niya dahilan para matigilan ako. "Ibibigay ko, pero hayaan mo akong ihatid ka sa inyo," malumanay niyang sinabi. What the heck?! Halos magpilantikan ang mga kilay ko. Kung nakamamatay nga lang din ang masamang tingin, aba at kanina pa sana siya nakahandusay sa kalsada. Kanina ko pa sana siya pinaglalamayan. Marahas akong bumuntong hininga sa kawalan. Pinigil ko ang mga luha. Bandang huli ay naihilamos ko ang palad ko sa mukha matapos kong pumayag sa gusto niya. Dala ng kalasingan ay wala na akong pagpipilian pa. Nakakapagod. Gusto ko na lamang ang mahiga at matulog nang mahimbing. Labag sa loob ko nang pumasok ako sa passenger's seat at iyong lalaki ay sa driver's seat. Kung sakali ay pareho lang din naman kung mamamatay ako. Mag-isa akong magmamaneho habang lasing— hindi hamak na aksidente ang aabutin ko. O sasama ako sa kaniya na hindi alam kung sino ba siya, o ano ang pakay niya sa akin. Wala na akong pakialam. Kung may magtangka man sa buhay ko ay baka magmakaawa pa ako sa kanilang tapusin na lang ang buhay ko. Baka magsalamat pa ako sa kanila. Pagod na akong umintindi. Pagod na akong gumising ngunit ganoon pa rin ang nangyayari. Suminghot ako nang may magbara sa lalamunan ko. Maigi ko ring pinahiran ang nabasa kong pisngi. Hanggang ngayon ay pigil-pigil ko ang sarili na huwag nang umiyak. Habang nasa biyahe ay nakatanaw lang ako sa labas ng kotse habang nananakit na ang dalawang mata ko dahil sa pinagsamang pamumugto at pagkaantok. Pareho kaming walang imik ng lalaki. Ganoon pa man ay ramdam ko ang paminsan-minsan niyang paglingon sa gawi ko. Hindi naman ako interesado na kausapin siya kaya naging tahimik ako sa buong oras na nasa kalsada kami. Hindi pa rin ako makapaniwala na kasama ko ito ngayon, hinayaan siyang ihatid ako kahit wala naman akong ideya kung saang lupalop siya galing. Basta na lang sumulpot sa bar para lang pigilan ako at sabihan ng kung anu-ano na akala mo ay kilalang-kilala ako. But wait, sa mga sinabi niya kanina, hudyat lang iyon na kilala nga niya ako 'di ba? Nanlaki ang mga mata ko sa reyalisasyong iyon. Ngunit imbes na pagtuunan iyon ng pansin, mas nagulat na lang din ako nang pumasok ang kotse sa subdivision kung nasaan ang bahay namin. Mabilis akong umahon sa pagkakahalukipkip ko. Pasalit-salit naman ang tingin ko sa labas at sa lalaking ito. Sakto nang huminto ang kotse. Kaagad niyang pinatay ang engine at prenteng sinipat ako ng tingin. "Paano mo nalaman kung saan ako nakatira?" asik ko habang nalilitong pinagmamasdan siya. Napanood ko ang pagtingala niya sa bahay namin. Napatitig siya roon na para bang pinag-aaralan niya ang bawat sulok nito. "Tinitingnan ko lang kung gaano ba kaganda ang bahay na iyan at diyan gustong tumira ni Daddy," aniya sa mababang boses, sa sobrang hina ay hindi ko na iyon narinig. Mayamaya nang tanggalin niya ang seatbelt niya at nagkusa na rin itong lumabas ng kotse. Dali-dali rin akong lumabas para harapin siya. Huminto naman ito sa tapat ko kaya natigilan ako. Nakapamulsa na siya at seryosong nakatitig sa mga mata ko. "Sagutin mo ang tanong ko. Paano mo nalaman ang bahay namin? Stalker ka ba?" Hindi ako mapakali. Isa ba siya sa mga nabasted ko? Sa mga naging ex-boyfriend ko noon? But as far as I remember, wala siya sa listahan ng naging boyfriend ko. Kasi kung oo, sa ganiyang katawan niya ay isa marahil siya sa mga hindi ko makakalimutan. "Mas maganda nang hindi mo alam. Baka lalo ka lang manggalaiti sa galit kapag nalaman mo," matabang niyang sambit. Isang ngisi ang pinakawalan niya bago ako tuluyang nilampasan. Umawang ang labi ko at gusto pa sana siyang habulin ngunit pagsunod na lamang ng tingin ang nagawa ko sa sobrang kalituhan. Ilang sandali nang matawa ako. Humagalpak ako ng tawa na hindi malayong maihalintulad ako sa mga taong takas sa Mental. Pumalakpak ako sa hangin. Kasabay nang pagtataksil ng mga luha ko. Ito na naman, fvck. Gusto ko lang naman ng buong pamilya. Lahat naman ng anak ay gusto iyon. Ganoon ba kahirap para sa magulang na pagbigyan ang mga anak? Bakit ang mga anak ang kailangang dumanas ng hirap?Napilitan akong pumasok sa school kinabukasan sa sobrang pag-iwas ko kay Mommy. Ayoko siyang kausapin hangga't hindi nagbabago ang desisyon niyang sumama sa lalaki niya.Galit pa rin ako at hindi ko alam kung hanggang kailan mananatili ang galit sa puso ko, para bang sa araw-araw na nagdaraan ay purong galit na lang ang nananalaytay sa dugo ko. Hindi ko na magawang ngumiti, o kahit ibalik ang dating ako.I used to be bubbly. Masaya na ako kahit sa maliit na bagay, ngayon ay naiirita dahil sa maliliit na bagay na iyan. I never asked for anything, or even asked for luxury. Sa buhay ko ay kuntento na ako. Wala na akong mahihiling pa dahil tunay na nasa akin na ang lahat. Mayaman, masagana at masayang pamilya. Naalala ko pang marami ang naiinggit sa akin dahil sa family background ko. Marami ang pumupuri.Ngayon ay hindi ko na alam. Hindi ko inakala na ganito kalaki ang naging epekto sa akin nang panloloko noon ni Daddy, nang pag-alis at pag-iwan niya sa amin. It's been fvckin' three year
Saktong kalalabas ko lang ng Dean's office ay lumabas din si Elias. Kanina pa masama ang tingin niya sa ilang minutong naroon kami sa loob. Kaya wala na iyong epekto sa akin ngayon. Ano bang problema niya?Napangisi ako bilang pang-aasar dahilan nang pagkakahinto niya sa harapan ko. Lalo lang din siyang nangitngit sa galit."Ano?" pag-aamok niya.Umiling ako habang nakangisi pa rin. "Wala naman, Elias. Masaya lang ako na makita 'yang mukha mo. Parang na-miss nga kita.""Tangina..." Humugot siya ng hininga, tila ba mapipigtas ko ulit ang pasensya niya. "Kung ganiyan ka kanina kaamo, tingin mo ay mapupunta tayo rito? Ang arte-arte mo kasi. Akala mong kung sinong inosente."Mariin ko siyang tinitigan.Nalusaw din ang ngisi sa aking labi."Nakarami ka ng lalaki 'di ba? Hindi na bago sa 'yo iyong ginagawa ko."Pagak akong natawa, rason naman para matigil siya. Maang niya akong tinitigan na para bang nababaliw na ako. Natatawa ko siyang tiningala. Tangina ng lalaking 'to. Dinaig pa ang bakl
Tangina!I fvckin' knew it! Wala pa man siyang sinasabi, o hindi man niya ako sagutin ng deretso ay siya talaga iyong lalaking naghatid sa akin dito sa bahay kagabi. Kaya malakas ang kutob ko— kaya gustung-gusto kong isipin na siya nga iyon. Kasi hindi naman talaga ako nagkakamali!“Tinitingnan ko lang kung gaano ba kaganda ang bahay na iyan at diyan gustong tumira ni Daddy.” Animo'y sirang plaka at nagpaulit-ulit ang katagang iyon sa utak ko.Hindi ko na kailangan pa ulit na magtanong sa kaniya. I know my instincts were always right! Damn, Haris! Damn it!Mabilis akong tumalima at hinarangan ito sa tangka niyang pagpasok sa gate namin. Iniharang ko rin ang dalawang kamay sa magkabilaan kong gilid habang nananatiling hawak ang mini hand bag ko. Naka-heels pa ako at para akong tanga.Hell, hindi ko hahayaan na makapasok ang lalaking ito sa bahay namin. Una na ngang nang-trespass ang ama nito, hindi lang 'yon, pati si Mommy ay pinasukan din.Tinitigan ako ni Haris. Masama na ang tinging
“We're going to be a real family soon. Kumpleto na ulit ang pamilya natin na siyang matagal mo nang gusto, Alice.” Oo, gustung-gusto ko ng buo at kumpletong pamilya! Gusto kong maging masaya ulit! Gusto ko 'yon! Gustung-gusto ko! Pero hindi ito iyong inaasahan ko. Hindi ito 'yung gusto ko. Hindi si Benjamin ang kailangan ko, hindi si James o si Haris. O kahit sinong lalaki ang itapal ni Mommy bilang kapalit ni Daddy sa akin. Si Daddy... siya lang... Hindi ba nila iyon maintindihan? Siya lang naman ang kailangan ko. Mahirap ba na ibigay iyon? Si Daddy lang naman. Tumulo ang luha sa aking pisngi ngunit madali ko ring pinalis. Sa paglabas ko pa ng bahay ay nagkasalubong kami ni James. Mabilis siyang gumilid habang buhat-buhat niya ang malaking box nang mapansin ang mabibigat kong mga yabag. Kuyom ang dalawang kamao ko. Sa itsura ko ay animo'y may susugurin at mag-aamok ng away. Pero sa totoo lang ay nanghihina ako. Nanginginig ang dalawang tuhod ko, kasabay nang panginginig sa gal
Kinabukasan ay hindi ako nakapasok dahil masama pa rin ang pakiramdam ko. Gusto ko man, para rin sana makawala sa bahay na ito ngunit hindi ko magawang gumalaw nang maayos. Kahit ang pagbangon sa kama ay nahihirapan pa akong gawin.Kaya sa buong maghapong dumaan ay nasa kwarto lang ako, nakahilata at nagbabasa ng libro. May isang katulong lang din ang naglalabas-masok para dalhan ako rito ng pagkain, o ng kung anu-ano pang mga bagay na hindi ko naman kailangan.Mabuti rin at hindi naiisipang pumarito ni Benjamin, o kahit ng dalawang anak niyang sina James at Haris. Malamang din ay abala sila, posibleng pumasok si Benjamin at James sa kani-kanilang trabaho.Si Haris naman ay sa school. Si Mama ay dumalaw na rito kanina, pero nag-anyo akong tulog para hindi siya magkaroon ng oras na kausapin ako. Sa ilang minuto na nandito siya ay nagtulug-tulugan ako, 'di naglaon ay umalis din nang maburyo.Hindi na iyon nasundan pa at ayaw ko rin namang mangyari na magpang-abot pa kami rito. Hindi ko
Kasabay nang paghalik ni James sa akin ay ang pagkabasag ng kung ano. Napatalon ako sa gulat, doon lang din yata ako nagkaroon ng lakas para itulak si James. Madali kong nilingon ang pwesto ni Haris. Nasa paanan nito ang nabasag na baso ngunit wala siyang pakialam, bagkus ay nananatili ang mariin niyang paninitig sa amin. Napakurap-kurap ako, lalo pa noong humakbang ito at papalapit sa gawi namin ni James. Ang inakala kong susugurin niya si James, base na rin sa pagkakakuyom ng dalawang kamao nito, pati ng galit na naroon sa kaniyang mukha— nagkamali ako. Deretso ang naging lakad nito. Dumaan ito sa gilid ko at damang-dama ko ang hanging dumaplis sa katawan ko nang lumampas siya sa akin. Kung gaano kabigat ang bawat yabag niya ay ganoon din kabigat ang hiningang binibitawan ako. Nang tuluyan siyang mawala sa paningin ko ay napasinghap ako. Binalingan ko si James na nananatiling nasa harapan ko. Katulad ko ay gulat din ang mababakas sa mukha niya. Ngunit mas nagulantang nga lang siy
Hindi ko alam kung matutuwa ba ako sa sinabi niyang iyon, o mahihiya dahil sa naging posisyon namin sa hagdan. Dali-dali pa akong gumalaw para makawala sa kaniya. Hindi ko na siya nilingon at dere-deretsong umakyat sa taas."Whatever!" pahabol kong sigaw.Isinarado ko ang pinto sa kwarto at pumasok naman sa loob ng banyo upang magbanlaw. Natuyo na ang katawan ko, kaya ngayon na nabasa ulit ako ay panibagong lamig na naman ang naramdaman ko.Wala pa sa sarili nang dumapo ang kamay ko sa dibdib kong nahawakan ni Haris. Nahigit ko ang hininga ko. Animo'y may kuryente pang dumaloy sa kabuuan ko at bigla akong nag-init. Dinaig ko pa iyong kamatis sa sobrang pamumula ng mukha.Holy fvck...Imbes na nahimasmasan na sana ako dahil sa lamig ng tubig ay lalo lang nag-init ang katawan ko. Bumuntong hininga ako at saka mariing ipinikit ang mga mata. Tumingala ako sa shower head para mas lasapin ang lamig ng tumutulong tubig, pero sadyang hindi lang nito kayang tumbasan ang nag-iinit kong katawan
Beat Larisa? Baliw ba ang lalaking 'yon?Samantalang sa tuwing pinagtitripan at inaaway ko ang girlfriend niya ay galit na galit siya. Ngayon ay sasabihin niyang talunin ko si Larisa? Sa patalinuhan pa talaga? Eh, 'di rin hamak na talo na ako ro'n.Nasa kaniya iyong brain.Ako, beauty lang.Oo sige, aaminin ko na isa iyon sa kinaiinggitan ko kay Larisa. Kaya hindi rin hamak na kaya niyang makipagsagutan sa mga bully niya. Tipong made-depress ka sa mga salita niya kapag pinatulan ka niya.“Mas valid pa ang pagiging broken family ko dahil patay na ang tatay ko. Eh, ikaw? Paano ang Daddy mo? Hindi ba't hiniwalayan niya ang Mommy mo at sumama sa ibang babae?”Naalala ko pa iyang mga katagang 'yan.Pumutok noon ang balitang hiwalayan ng Mommy at Daddy ko sa buong school kung kaya ay hindi na rin kataka-taka na maging siya ay alam iyon. She knows how to talk back. Kagaya rin no'ng nangyari sa CR.Kaya talagang inis na inis ako sa kaniya. Sa lahat ng taong gusto kong mawala sa paningin ko, s