20

Chapter 20

Hindi makapaniwala si Kristal sa narinig kung kaya't nabato ito sa kaniyang kinatatayuan. Hindi niya kailanman naisip na sasabihin sa kaniya 'yon ni Lorenzo. Sa isip-isip ng babae na baka sa sobrang kalasingan kaya kung anu-ano nalang ang naririnig nito.

"Boss...ano po?" Tila nalalasing pa lalong tanong ni Kristal kay Lorenzo.

Napatigil din sa kaniyang pwesto si Lorenzo, hindi rin makapaniwala sa bilis ng nangyari. Nang makitang hindi na maayos ang pagtayo ni Kristal ay inabot niya ang siko ng babae para tulungan itong tumayo nang tuwid.

Naka-short sleeve na baby-tee shirt lang si Kristal kasi hinubad niya ang ang suot na coat dahil sa init kanina sa loob ng silid. Nang mahawakan siya ni Lorenzo ay tila parang nakuryente silang dalawa na parang may kung anong malakas na enerhiya ang dumaloy sa kanilang mga katawan. Bumuhos din sa isipan ni Kristal ang nangyari noong gabing 'yon.

"Kris!" Pagbasag ni Frankie ng tensiyon sa pagitan ng dalawa.

Hinawakan ni Frankie sa braso si K