22

Chapter 22

"Hindi po ba't naroon ka?" Tumalikod si Kristal para tignan kung sino ang nakaupo sa swivel chair at napapikit siya nang mariin nang mapagtantong ibang tao pala 'yon...hindi si Lorenzo. Si Marco Sy, matagal ng business partner ng Yu's Company at matalik na kaibigan ni Lorenzo. Hindi ito mas'yadong napapadpad sa opisina pero kilala at natatandaan ito ni Kristal dahil sa guwapo at matipuno nitong katawan.

"Mr. Sy?" Dalawang salita na kumawala sa bibig ni Kristal pagkatapos makita ang lalaki.

Kahihiyan. 'Yan ang unang pumasok sa isipan ni Kristal dahil sa tagal niyang nagsasalita kanina, maling tao pa ang pinagmakaawaan niya. Pakiramdam niya tuloy na parang napunta lang sa wala lahat ng hinaing niya.

May hawak-hawak na folder si Lorenzo at mukhang kagagaling lang sa isang meeting. Nang mapunta ang kaniyang tingin kay Kristal ay napansin agad nito ang namumula niyang mga mata. Parang may kumirot naman sa kaniyang puso nang makita niya ito.

"What have you done, Marco?" Tanong a