Kabanata 6

"Tama. Tama ka diyan! Yung totoo, hindi ko naman talaga gusto ang batang 'yun!"

Paulit-ulit na tumango si Fiona. "Kung sabagay, hindi naman dapat siya ipinanganak!"

Nakaramdam si Fane ng matinding galit at pagnanais na pumatay ng marinig niya ang mga salitang iyon.

Ngunit, sa loob-loob niya, pinilit niyang magpakahinahon. Kung sabagay, nanay ni Selena si Fiona, ang kanyang biyenan.

Wala na siya sa digmaan na kung saan maaari siyang pumatay kailan man niya gustuhin. Anu't ano pa man, hindi niya mga kalaban si Fiona at Andrew.

Nalumpo ang binti ni Andrew dahil sa kapusukan nila ni Selena noong gabi ng kasal nila.

Naiintindihan niya ang galit na nararamdaman nila para sa kanya.

Subalit, may ibang tao na hindi naman miyembro ng pamilya nila dito. Nanggigigil na ngumiti si Fane at tumingin kay Young Master Clark. "Anak ko si Kylie, hindi siya pabigat at lalong hindi siya isang bastardo. Lumuhod ka at humingi ka ng tawad sa mga sinabi!"

Sa puntong iyon, huminto saglit si Fane bago nagpatuloy sa pagsasalit, "Kung hindi lqng dahil sa ayaw kong mabahiran ng dugo ang lugar na 'to sa unang araw ko dito, patay ka na sana!"

"Haha, tama ba ang narinig ko? Kilala mo ba kung sinong kausap mo?"

Humalakhak si Young Master Clark at itinuro ang Bentley na nakaparada sa labas. "Ang alam ko dati ka daw delivery boy. Lumakas ang loob mo mula nung naging sundalo ka ah. Wala kang kwenta para sakin. Alam mo ba kung magkano yung kotseng yun? Kahit kailan hindi makakabili ng ganun klaseng kotse ang isang taong gaya mo."

"Tama yon. Fane, huwag ka nang mangialam at umalis na kayo ng anak mo dito!"

Lumapit si Fiona at sinabing, "Tigilan mo na ang panggugulo sa buhay ng anak ko!"

"Ina, hangga't hindi si Selena mismo ang magpapalayas sakin, hinding-hindi ako aalis sa tabi niya!" Seryosong tumingin si Fane kay Fiona.

"Anong maipagmamalaki mo sakin? Anong meron ka para maging karapatdapat ka kay Selena? Baka nakakalimutan mo kung sino ka?"

Lumapit si Young Master Clark at sinuntok ang dibdib ni Fane. "Isa ka lang walang-kwentang sundalo…"

Blag!

Nagulat sila nang biglang tumalsik si Young Master Clark matapos siyang sampalin ni Fane. Sumuka siya ng dugo at nalaglag ang tatlo sa kanyang mga ngipin.

"Ahhhh!"

Napasigaw si Young Master Clark habang namumula ang kanyang pisngi.

"Ang lakas ng loob mong sampalin ako! Gusto mo na bang mamatay? Kilala mo ba kung sino ako?"

Galit na galit si Young Master Clark. Gusto niyang gumanti pero hindi niya magawa.

Galing sa digmaan ang taong kaharap niya. Alam niya na wala siyang laban kay Fane.

"Hindi mo ba siya nakikilala Fane? Siya ang young master ng pamilyang Clark. Higit na mas mayaman ang pamilyang Clark at mas maimpluwensya kaysa sa pamilya ng mga Taylor!"

"Wala akong pakialam kung sino siya. Nagsalita siya ng hindi maganda tungkol sa anak ko at pinagbalakan niya ng masama si Selena. Magpasalamat na lang siya at hindi ko pa siya pinatay!" Ang naggigigil na sinabi ni Fane.

"Sige, matapang ka at malakas. Ayos lang ba sayo kung tatawag ako?" Nagbantang tatawag ng mga tauhan si Ken.

"Wala akong pakialam kahit na sampung beses ka pang tumawag!"

Walang pakialam si Fane sa anumang gawin niya. Walang halaga ang isang basurang gaya ni Ken sa kanya.

“F-F-Fane Woods?”

Sa sandaling iyon, narinig niya ang isang magandang boses mula sa kanilang likuran. Nanginig ang damdamin ni Fane. Lumingon siya at nakita niya si Selena, na kasing ganda pa rin ng dati, at nakasuot ng simpleng damit. Agad na gumilid ang luha sa kanyang mga mata. "Selena, nakabalik na ako."

"Sabi ko na e. Alam kong ligtas ka! Buhay ka!"

Nanginig ang katawan ni Selena at nabitawan niya ang mga sako ng basura sa lapag. "Mabuti nagbalik ka na. Hindi pwedeng mawalan ng ama ang anak natin!"

Agad na naging mahinahon ang boses ni Selena.

Hindi pwedeng mawalan ng ama!

Sa mga sandaling iyon, napagtanto ni Fane kung ano ang nararamdaman ni Selena para sa kanya dahil sa mga salitang iyon. Oo nga naman. Wala naman talaga silang nararamdaman para sa isa't isa dahil hindi naman tunay ang kasal nila.

Ang nagyari sa kanila noong gabing iyon ay dahil sa kapusukan ni Selena…

Habang ang bata naman, hindi niya magawang ipalaglag ang bata dahil sarili niya itong laman at dugo.

Ramdam sa mga salitang ito ang paghihirap na nararamdaman ni Selena.

"Huwag kang mag-alala Selena. Wala nang magtatangka pang manakit sayo mula ngayon!"

Tinaas ni Fane ang kanyang kamay bilang tanda ng kanyang pangako, "Pangako ko yan!"

"Anak, paalisin mo na siya dito at pati na rin si Kylie. Puro gulo lang ang dala niya!"

Noong makita niya si Selena, hinablot niya agad ang kamay ng kanyang anak at naluluhang nagsalita, "Hiwalayan mo na. Nangako si Young Master Clark na aalagaan ka niya at ang pamilya natin. Ayaw ko nang makita na namumulot ka ng basura. Ayaw ko na ring mamuhay pa ng ganito. Kinukutya at pinagtatawanan tayo ng ibang tao."

"Ma, pasensya na. Hindi ko magagawang iwan si Kylie! Kahit na walang-kwenta si Fane, asawa ko pa rin siya at ama siya ni Kylie. Naniniwala ako na kapag nagsikap kami, magiging maayos din ang buhay namin!"

Bakas sa ngiti at mga mata ni Selena ang pait na kanyang nararamdaman.

"S-S-Sinaktan niya si Young Master Clark pag-uwi niya dito. Tingnan mo, pati mga ngipin niya natanggal sa lakas ng pagkakasampal sa kanya!“

Galit na galit si Andrew at makikita ang kanyang pagkadismaya.

"Ano?!"

Tiningnan ni Selena ang mga ngipin at bakas ng dugo sa lapag, pagkatapos ay tumingin siya kay Fane. "B-B-Bakit mo siya sinaktan? Masyado kang padalos-dalos! Malaking problema 'to!"

"Ayos lang yun, honey. Huwag kang mag-alala!" Mahinahong ngumiti si Fane habang tinitingnan ang babaeng kaharap niya. Kasing ganda pa rin siya ng dati.

"Anong huwag akong mag-alala? Dalian mo, humingi ka ng tawad kay Young Master Clark. Siya ang pinakamahusay na anak ng pamilyang Clark at siya rin ang Eldest Young Master ng pamilya nila. Siya ang nakatakdang maging bagong master ng pamilyang Clark!"

"Siguradong malaking problema 'to!"

Nag-alala nang husto si Selena at agad niyang itinulak si Fane papunta kay Young Master Clark.

"Humingi ng tawad? Pweh!"

Muling dumura ng dugo si Young Master Clark, pagkatapos tumingin siya kay Fane at nagmalaki. "Huli na para humingi ka ng tawad. Inutusan na ng tatay ko si Dan Jameson sa pumunta dito!"

"Si Dan Jameson?"

Nagtaka si Fane. Hindi ba't siya yung taong tinalo niya sa bunong-braso? Pagkakataon nga naman.

Humalakhak ng malakas si Young Master Clark nang makita niyang tulala si Fane. "Ano? Natatakot ka ba? Kilala mo ba si Dan? Siya ang pinakamalakas na tauhan ng pamilyang Clark. Hindi siya magdadalawang-isip na pumatay. Mag-isa niyang pinatay ang dalawang daan hanggang tatlong daang tao. Tingin mo ba malakas ka na kasi naging sundalo ka? Hehe, isa kang malaking hangal!"

"Young Master Clark, pakiusap maawa ka. Hayaan mo na lang siya. Isa lang siyang hamak na sundalo. Bakit mo pa siya pag-aaksayahan ng oras?"

Walang magawa si Selena kundi ang magmakaawa upang hindi mapahamak si Fane.

"Nabawasan ang ngipin ko dahil sa kanya tapos sasabihin mo na hayaan ko na lang siya? Nagbibiro ka ba?"

Galit na galit si Young Master Clark habang minamasahe ang kanyang namamagang pisngi. "Palalampasin ko 'to kung hihiwalayan mo siya… para pakasalan ako!"

"Young Master Clark, kailangan pa ba yun? Sa taglay mong katayuan, pwede kang makahanap ng isang maganda at mas batang binibini. Bakit ka pa naghahabol sa isang babaeng may asawa na gaya ko?"

Naaasiwang ngumiti si Selena. "Tigilan mo na yang pagbibiro mo Young Master Clark!"

"Pasensya na, pero yung mga tipo mo ang gusto ko!"

Humalakhak si Young Master Clark. "Tutal ayaw mo siyang hiwalayan, madali akong kausap. Magpaalam ka na sa hampaslupang 'to!"