Kabanata 12

"Pagbayarin sila? Paano mo sila pagbabayarin? May kasalanan din ako sa nangyari. Tsaka, lolo ko pa rin si Old Master Taylor. Balak mo ba siyang bugbugin?"

Ngumiti si Selena at sinabing, "Sa pagkakataong to, sasamahan mo kami pero manahimik ka lang. Siguro mas mahaba na ang pasensya ni lolo sa mga nakalipas na taon. Baka hindi na nila tayo guluhin kapag kinausap ko siya."

"Sige, susubukan kong sundin ka at pipigilan ko ang sarili ko na kumilos. Baka sabihin mo na masyado akong bayolente!"

Natawa si Fane. Gusto niyang makita kung paano siya tatratuhin ng mga miyembro ng Taylor family ng hindi nila alam na siya ang Supreme Warrior. Bukod pa dito, hindi siya bumalik para maging Supreme Warrior. Ang tanging gusto niya ay mamuhay ng maayos at payapa kasama ang asawa niya at alagaan ang nanay niya.

Mabilis na nakarating ang tatlo sa Taylor Residence sakay ng isang taxi. "Napakalakas ng loob ng bwisit na yun para saktan si Young Master Taylor. Hindi ba niya alam kung gaano kakitid ang isip ni Young Master Taylor?"

"Tama yun. Mukhang hindi maganda kalalabasan nito. Sundalo lang siya, isang walang-kwentang manugang. Baka nakakalimutan niya kung sino siya?!"

Narinig nila ang bulung-bulungan ng dalawang guwardiya pagbaba nila ng sasakyan.

Ngunit, agad na nahimik ang mga guwardiya nung makita nila sila Fane.

Ngumiti ang isa sa mga guwardiya. "Nagbalik ka Miss Selena. Ipapaalam namin to agad sa Master at sa Old Master!"

"Hindi na kailangan! Kami na mismo ang haharap sa kanila!"

Halo-halong emosyon ang naramdaman ni Selena habang tinitingnan ang gate.

Marami siyang magagandang alaala dito nung bata pa siya. Sa hindi inaasahan, nung lumaki siya, puno ng pamumulitika ang Taylor family. Para sa kanya, ang pinaka hindi niya inaasahan ay ang pagpapalayas sa kanya sa lugar na to.

Dahan-dahan pumasok ang tatlo pagkatapos nilang makapag-isip-isip.

Pagdating pa lang nila sa gate ng villa ng Old Master, dinig na nila ang mga diskusyon mula sa loob.

"Sobra na yung Fane na yun. Sino ba siya sa inaakala niya?!"

"Tama yun. Ilang taon lang siyang naging sundalo. Tingin niya ba may ipagmamalaki na siya? Paano magiging makapangyarihan ang isang walang-kwenta?!"

"Bukod pa dun, nabalian ng buto si Ivan. Ang balita ko nawalan siya ng malay sa pambubugbog sa kanya!"

Nagdiskusyon ang ilang miyembro ng Taylor family na para bang isang kriminal si Fane.

"Tama yun. Nagkamali yung bwisit na yun. Argh, nakakabwisit talaga!"

Narinig ni Selena ang boses ni Fiona habang papasok siya.

Agad na sumimangot si Selena. Napahinto siya sandali.

Sa mga sandaling iyon, muling narinig ang boses ni Fiona, "Baka hindi niyo pa alam, pero kanina, sinampal niya ang Young Master ng Clark family na si Ken Clark. Natanggalan siya ng tatlong ngipin dahil dun!"

"Si Young Master Clark? Yung Young Master Clark na may gusto kay Selena? Pinuntahan niya kayo?"

Hindi napigilan ni Old Master Taylor na magtanong.

"Nakakagulat di ba?" Inisip niya na siguradong patay na si Fane at umaasa siya na hihiwalayan ni Selena si Fane para magpakasal sa kanya. Bukod pa dito, sinabi niya na ayos lang sa kanya ang tungkol kay Kylie.

"Sinong mag-aakala na babalik pa si Fane…"

Lalong nanggalaiti si Fiona. "Sa pagkakataong to, siguradong hindi to palalampasin ng Clark family!"

Hindi na matiis ni Selena ang mga naririnig niya, kaya binuksan niya ang pinto at pumasok siya kasama sila Fane at Joan. "Ma, hindi ko tatanggapin ang alok ni Ken! Plastic siya. Tingin mo ba talaga na magiging mabait siya sakin kapag nakasal kami? Kapag nangyari yun, hindi ko alam kung gaano katinding paghihirap ang pagdadaanan ko!"

"Sa wakas nakabalik ka na Selena. Kung hindi mo ako babayaran ng tama, hindi ko palalampasin ang nangyari!"

Noong makita niya ang pagdating ni Fane at Selena, tiningnan sila ng masama ng bugbogsaradong si Ivan.

"Di ba may kasalanan ka din, Ivan? Sinubukan mong ipakain kay Kylie yung tinapay na tinapaktapakan mo. Sa tingin mo ba mapapalampas yun ng isang ama na gaya ni Fane?"

Nagdilim ang ekspresyon ni Selena, pagkatapos ay tumingin siya kay Old Master Taylor at sinabing, "Lolo, walang kasalanan si Fane. Sobra na lang talaga yung ginawa ni Ivan."

"Yun ba talaga ang nangyari, Ivan?"

Isang patas na tao si Old Master Taylor. Tiningnan niya si Ivan at mahinahong nagtanong.

Agad na sumagot si Ivan, "Imposible yan. Nagbibiro lang ako at nagkataon na nakita yun ni Fane. Malay ko bang bigla na lang niya akong susugurin! P-p-pinilit pa nga niya ako na kainin yung tinapay!"

"Ivan Taylor, kapag nagsinungaling ka pa, babaliin ko yung isa mo pang braso!"

Hindi na natiis pa ni Fane na manood. Malinaw na nagsisinungaling si Fane.

Napaatras si Ivan nung marinig niya ang banta ni Fane. Halatang takot na takot siya.

Subalit, nung maalala niya na nasa Taylor Residence sila at hindi naman isang tunay na Taylor si Fane, malamang ay hindi siya gagawa ng kahit ano sa harap ng napakaraming tao.

Nung makakuha siya ng lakas ng loob, humakbang siya paharap. "Tingnan niyo kung gaano kawalanghiya ang taong to. Asawa lang naman siya ni Selena, ni hindi nga siya isang Taylor, tapos ang lakas ng loob niya na magsalita ng ganun sa harap ng lahat."

Lumingon si Ivan at tumingin kay Fane. Pinigilan ni Fane ang kanyang sarili sa pagsasalita.

Nagdusa ng ilang taon si Selena dahil sa kanya. Para sa kapakanan ni Selena, hindi na niya ginusto pang palakihin ang gulo. Bukod pa dito, gusto lang niya ng tahimik na buhay.

"Ang kapal ng mukha mo Fane. Kundi dahil sa isang milyon na binigay namin sayo, baka patay na yang nanay mo!"

"Napaka walang-utang na loob mo. Ganito ba ang igaganti mo sa kabutihang pinakita namin sayo?"

Agad na inakusahan ng mga miyembro ng Taylor family si Fane.

"Tama yun. Kundi dahil samin, mabubuhay pa kaya yang nanay mo?"

Nagmalaki din ang isa pang nakatatanda sa Taylor family.

Sa ka ilang paningin, mga taga labas sila Fane at Joan, mga mahirap na mula sa lower class.

Kung hindi nabuntis si Selena sa bastardo nilang anak, wala sanang kinalaman si Fane sa Taylor family.

“Eh!”

Sa mga oras na yun, napansin ng isa sa mga babae na mula sa Taylor family, si Cecilia Taylor, ang shopping bag na hawak ni Joan.

"Namamalikmata ba 'ko? Puro branded yan ah!"

Lumapit si Cecilia at inusisa si Joan, na nakasuot pa rin ng uniporme sa mga oras na yun, at sinabing, "Ninakaw niyo ba 'to?!"

Agad na napansin ng lahat ang mga shopping bag dahil sa pag-uusisa ni Cecilia. Malinaw na mga international brand ang mga ito. Kaya ba nilang bumili ng mga ganun kamahal na gamit?

"Binili to ng anak ko para samin ni Selena. Kahit na mahirap kami, may dangal pa rin kaming pinangangalagaan. Kahit kailan ay hindi namin magagawang magnakaw!"