Kabanata 14

Halo-halo ang emosyon na nararamdaman ni Old Master Taylor. Eksaktong-eksakto ang hula ni Fane.

Malaki ang pagpapahalaga ng Old Master sa kanyang reputasyon. Noon, pinakasal niya si Selena kay Fane para hindu sumabak sa giyera si Ivan. Ang desisyon niyang yon mismo ay nakaapekto sa reputasyon ng Taylor family.

Hindi niya inasahan na may mas malaki pang kahihiyan na darating. Isang araw pa lang na kasal si Fane kay Selena noong ipadala siya sa digmaan kinabukasan. Subalit, di kalaunan, nalaman nilang buntis si Selena.

Alam niyang nalasing si Selena noong gabing yun. Inisip pa nga niya na posibleng pwinersa ni Fane ang sarili niya kay Selena.

Hindi niya inasahan na sasabihin ni Selena siya ang may gusto nun. Halos atakihin siya sa puso dahil sa sinabi ni Selena.

Iyon ang dahilan kung bakit pinalayas niya si Selena, ang mga magulang nito, at ang labing apat na taong gulang nitong kapatid mula sa Taylor Residence.

At yung pagpapahirap kay Selena sa paghahanap ng trabaho at mga panggigipit sa kanya, pakana iyon lahat ni Ivan.

"Sigurado ka ba na pwede kong isulat kahit magkano?"

Nagulat si Fane at ngumisi habang nagtatanong.

"Oo naman! Isulat mo lang diyan!"

Natuwa si Old Master Taylor nung makita niyang nasilaw sa pera si Fane. Natatangi ang kagandahan ni Selena. Higit pa dito, mahusay siya sa pagpapatakbo ng negosyo. Kung hihiwalayan niya si Fane, hindi siya mahihirapang maghanap ng mayamang mapapangasawa.

Sa katunayan, narinig niya na nililigawan ni Young Master Clark si Selena.

"Syempre naman, tutuparin ng Old Master ang mga sinabi niya. Dali na, sulatan mo na yan!" ang sabi ni Fiona.

Tuwang-tuwa si Fiona nung marinig niya ang usapan ng dalawa. Agad niyang nilapitan ang nakatulalang si Selena. "Tingnan mo anak. Sinabi ko na sayo na bibiguin ka lang niya. Pinili mong palakihin ang anak niyo at hintayin siya sa loob ng limang taon. Limang taon kang naghirap, pero mas pinili pa rin niya ang pera? Ito ang reyalidad ng buhay!"

Natulala lang si Selena. Nakaramdam siya ng kawalan ng pag-asa. Ilang taon siyang naghintay, lahat ng paghihirap na tiniis niya, pero bandang huli…

"Fane, tanga ka ba? Saan ka pa ba makakakita ng ganitong klaseng asawa? Ipagpapalit mo ba talaga ang asawa at anak mo para sa pera? Limang taon naghirap si Selena. Lahat ng paghihirap at panlalait tiniis niya! Namulot pa nga siya ng basura at sumuko na lang sa paghahanap ng trabaho!"

Lumapit si Joan at tiningnan si Fane. Puno ng pagkadismaya ang kanyang mga mata. "Hindi mo pwedeng balewalain yung mga paghihirap niya!"

"Ma, pabayaan mo na siya!"

Napuno ng matinding lungkot ang mga mata ni Selena. Napunta lang sa wala ang limang taong paghihirap na tiniis niya.

"Naiintindihan mo na ba? Wala nang pag-asa ang mga lalaki. Sinabi ko na sayo na ipalaglag mo yung bata, pero hindi ka nakinig!"

Dagdag pa ni Cecilia, "Hayy, kahit na hindi ako makahanap ng boyfriend, mas okay naman yun kaysa makahanap ako ng walang kwenta gaya!"

Naluluha na si Selena. Halata ang kawalan niya ng pag-asa habang tinitingnan niya si Fane. "Nakapagdesisyon ka na ba?"

Ngumiti si Fane. "Nakapagdesisyon na ako!"

Pagkasabi niya nun, nagsimula siyang sulatan ang tseke.

Pagkatapos, agad niyang binalik ang tseke. "Tapos na ako. Sabi mo isulat ko kahit magkano!"

"Hehe, oo naman, tutuparin ko ang sinabi ko!"

Halatang nadismaya si Zeus nung makita niyang pinili ni Fane ang pera.

Noong una, bahagyang tumaas ang respeto niya para kay Fane. Inisip niya na kung magpakita ng kakayahan si Fane at kung aalagaan nitong mabuti ang kanyang apo, matatanggap niya ito. Sa kasamaang-palad, binigo siya ni Fane.

Subalit, natulala siya matapos niyang tingnan ang tseke.

Nakasulat sa tseke ang mga numerong, "999999999999999999…"

May ellipsis pa nga sa dulo ng mga numero!"

"Bata, niloloko mo ba 'ko?"

Nagdilim ang ekspresyon ni Zeus. Naging kakilakilabot ang ekspresyon ng kanyang mukha.

Kahit si Theodore, ang master ng Taylor family, ay lumapit para tingnan ang tseke at sinabing, "Anong ibigsabihin nito? Sa tingin mo ba magandang biro to?"

"Anong problema?"

Nagulat din si Cecilia. Nagmadali siyang lumapit para tingnan ang tseke. "Isa, dalawa, tatlo, apat, lima, anim, pito… bakit may ellipsis sa dulo? Gaano kalaking pera ba to?"

"Haha, Old Master Taylor, sabi mo isulat ko kahit magkano ang gusto ko. Kaya niyo bang bayaran yung nilagay ko?"

Sa puntong iyon, humalakhak ng malakas si Fane.

Lumapit siya kay Selena at hinawakan ang mga kamay niya. Seryos niyang sinabi na, "Limang taong naghintay ang asawa ko para sakin, na isang hamak na delivery boy. Tiniis niya ang lahat ng hirap, tapos susukatin niyo lang ng pera yun? Wala kapantay na kahit anong halaga ang asawa ko, kaya naman hindi niyo maibibigay yung halagang hinihingi ko!"

"Pasaway ka…"

Naghalo ang galit at tuwa ni Selena. Subalit, napuno ng kasiyahan ang kanyang puso.

Kanina lang, inakala niya na tatanggapin ni Fane ang pera at hihiwalayan siya nito.

Bandang huli, sinulatan ni Fane ng puro '9' ang tseke at naglagay pa ng ellipsis sa dulo.

"Patingin, patingin ako!"

Nagalit si Joan nung una. Agad niyang kinuha ang tseke nung marinig niya ang usapan nila. Pagkatapos niyang tingnan ang tseke, masaya niyang inabot ito kay Selena. "Selena, tingnan mo! Ito ang halaga mo sa anak ko. Wala kang kapantay!"

"Narinig ko nga Ma!"

Namula si Selena. Hindi napunta sa wala ang paghihintay niya. Hindi siya binigo ng lalaking to.

"Ang lakas ng loob mo na paglaruan ang Taylor family. Gusto mo na bang mamatay Fane? Mga guard, lumpuhin niyo siya at itapon niyo siya palabas!" Galit na galit na sumigaw si Theodore.

"Maglalaban ba tayo? Pasensya na, magaling na akong makipaglaban ngayon!" Sumagot si Fane matapos niyang marinig ang sigaw ni Theodore.

Pagkatapos ay nagsalita siya ng may ngiti sa kanyang mga labi. "Sa nagdaang limang taon, hindi ako sigurado kung ilang bundok ang mabubuo sa dami ng pinatay ko. Maraming mahusay sa kanila, pero napatay ko silang lahat. Ilang beses din akong muntik mamatay, pero nakaligtas ako dahil alam kong may naghihintay sakin pag-uwi ko. Hindi ako pwedeng mamatay!"

Lumabas ang malakas na aura mula kay Fane habang nagsasalita siya. Tila isa siyang hari habang nakatayo siya doon. "Ipapaalam ko sa lahat ng kakalaban sakin na nagkamali sila!"

"Anong sinabi ko sayo bago tayo pumunta dito?"

Sa di inaasahan, nagdilim ang mukha ni Selena habang pinagagalitan niya si Fane.

Pakiramdam niya, na mula noong maging sundalo si Fane, naging mas maaasahan siya. Pero naging masyado rin siyang mayabang.

Bukod pa dito, nasa tahanan sila ng Taylor family. Manugang lang siya ng Taylor family. Paano niya magagawang saktan ang mga kamag-anak ni Selena?

Naalala ni Fane ang pangako niya kay Selena at agad na natawa. "Ehem ehem, nagbibiro lang ako!"

Subalit, sumugod na papasok ang mga bodyguard na nasa labas.

"Labas!"

Kikilos pa lang sana ang mga bodyguard nang biglang sumigaw si Old Master Taylor.

Nagkatinginan ang mga bodyguard at nagmadaling lumabas.

"Dad, pinaglalaruan tayo ng walang hiyang to. Hindi mo ba nakikita yun?"

Galit na galit si Theodore. Subalit, hindi niya kayang suwayin ang utos ng Old Master.

Kahit na siya ang master ng buong mansyon at ang anak niya ang direktor ng Taylor Group, ang Old Master ang tunay na nagpapatakbo sa lahat. Ang lahat ng mga importanteng bagay ay dapat dumaan sa kanya.

"Hindi niya tayo pinaglalaruan. Sinabi ko sa kanya na isulat niya kahit magkano ang gusto niya. Nagkataon lang na hindi natin kayang ibigay ang halagang hinihingi niya!"

Natawa ang Old Master at sinabing, "Fane, limang taon na ang lumipas. Dumaan rin sa matinding paghihirap ang apo ko. Dahil mahal niyo talaga ang isa't isa at malaki na si Kylie. Hindi ko na kayo paghihiwalayin!"

Pagkasabi niyan nun, biglang nagbago ang tono ng pananalita ni Old Master Taylor. "Pero…"