Chapter 127: Kaarawan

Naiwan na panay ang buntong-hininga si Keirah sa loob ng kanyang opisina.

Hindi niya makeri ang kagagahan ni Stacey Hong! Talaga namang pinagseselosan siya nito?

Ngayon alam niya ng talaga kung gaano siya kaganda.

Muling humugot ng malalim na hininga ang dalaga. Panalangin niya lang na sana'y ang hindi nila pagkakaunawan ni Stacey, ay hindi makaapekto sa kanilang trabaho.

Kaysa magmukmok sa loob ng office, naisipan na lang niyang lumabas. Naiinip na rin naman siya sa opisina niya. Silang dalawa lang naman kasi ng secretary niya roon.

"Uh, Belle," tawag niya rito ng madaanan niya ito sa cubicle nito.

"Ma'am? May kailangan po kayo?" halatang nabigla pa ang sekretarya ng makita siya. Mabilis itong tumayo.

"Wala. Aalis na 'ko. Ikaw, kung wala ka ng trabaho pwede ka ng umuwi," aniya.

Umaliwalas naman ang mukha ng sekratarya. "Talaga po? Thanks, Ma'am. Ang totoo po niyan, magpapaalam nga po sana ako eh. Birthday kasi ng nanang ko," nakangiti nitong kwento.

"G