Kabanata 12

KABANATA 12

ㅤㅤㅤㅤPARA lang hindi siya guluhin ni Justin, ginawa ni Lorraine ang lahat para umiwas kay Jared. Sa t’wing lalabas sila ni Laurence, bilang hinahayaan na sila ng mga katulong ng mga Elizalde, palagi nyang sinasaktuhan na wala ang binata at mayroong lakad.

“Mama, nasa’n po si sir Jared?” inosenteng tanong ni Laurence.

Marahang nagbaba ng tingin si Lorraine sa anak at ngumiti. “Busy siya, ‘nak. Bakit mo siya hinahanap?”

“Wala lang po. Mas masaya po ‘pag nandiyan siya.”

Lorraine cupped her son’s cheeks. “Alam mo Rence, ‘di ka dapat masyadong magtiwala kay sir Jared o ‘di kaya ma-attach.”

“Ano pong ma-attach?”

“Mapalapit sa kanya,” mas simpleng sagot nya. “‘Di pwede dahil may mga ‘di natutuwa ‘pag nakikita nila tayong malapit kay sir Jared.”

“Mama, ‘di po ba mas ligtas tayo kung didikit tayo kay sir Jared?”

Hindi tanga si Lorraine para hindi malamang matalino at observant ang anak. Alam nyang ilang beses pa lamang nito nakakasalamuha si Jared pero may kung ano sa binata. Bagama