Naramdaman niya na inabot nito ang kanyang paa. Nagmulat siya ng kanyang mga mata. “Tristan, huwag mo akong hawakan ano ba!” angil niya rito.
“Huwag kang mag-alala Olivia. Hindi kita kakainin.” sagot nito sa kaniya at sa sumunod na sandali ay itinaas nito ang kanyang paa ay pagkatapos ay ibinalot nito ang mga kamay nito rito. Dahil doon ay nakaramdam siya ng init mula doon. Dahil sa ginawa nito ay hindi niya maipagkakaila na medyo gumaan nga ang pakiramdam niya at hindi na rin siya gaanong nilamig at muling pumikit kaya lang ay bigla siyang muling napamulat nang maalala niya na kamay nga pala ni Tristan iyon. Natigilan siya, nagugustuhan niya ba ang mga kamay nito sa paa niya? Halos hindi siya makapaniwala sa kanyang sarili dahil rito. Hindi nagtagal ay nakabawi din naman siya. Malinaw sa kanyang isip na na dapat ay hindi na siya naaapektuhan pa sa ginagawa ng lalaking ito. “Bitawan mo ako!” sigaw niya rito. Samantala, sa halip naman na bitawan siya nito ay mas lalo lang nitong hinigpitan ang pagkakahawak sa kanyang mga paa. “Matulog ka na muna kung inaantok ka. Pwede kang sumandal sa balikat ko kung gusto mo para kahit papano ay maging komportable ka.” sabi nito sa kaniya sa banayad na tinig. Nagtagis ang mga bagang ni Olivia. Palagi na lang itong ganun. Kapag nagagalit siya ay bigla na lamang itong magiging malambing sa kaniya hanggang sa makalimutan niya ang mga bagay na ikinagalit niya. Ang nakakatawa lang ay ilang taon lang siya noon, bente-uno? Napakabata pa niya kaya madali lang siya nitong nalinlang. Binilog nito ang ulo niya hanggang sa mapaniwala siya nito na totoo ang pinaparamdam at sinasabi nito sa kaniya. “Hindi ako inaantok.” sabi nita at umupo siya ng tuwid, ngunit namumula na ang kanyang mga mata dahil sa totoo lang ay inaantok talaga siya. Napabuntung-hininga na lamang ito at pagkatapos ay hinaplos nito ang kanyang mahabang buhok. “Olivia, gusto kong malaman mo ngayon na hanggat hindi ako ang nagsasabi na lumayo ka ay hindi ka pwedeng umalis sa tabi ko, dito ka lang.” sabi nito sa kaniya. “Kaya dapat kang maging masunurin sa lahat ng sasabihin ko para hindi tayo magkaproblema.” dagdag pa nitong sa kaniya. Dahan-dahang gumuhit ang ngiti sa mga labi ni Olivia nang marinig niya ang sinabi nito, ang ngiting iyon ay kasing lamig ng yelo. “Tristan, hindi mo ba alam? Nagbago na ako. Hindi na ako yung dati na palaging sumusunod sa kung anong sasabihin mo.” malamig na sabi niya rito. “Baka kapag pinutulan mo ako ng binti at mga kamay, o kaya mas mabuti kapag pinatay mo na lang ako ay baka sakaling mapasunod mo na ako sa gusto mo.” dagdag pa niyang sabi. Patuloy nitong hinaplos ang kanyang buhok na tila walang narinig. “Olivia, ilang taon na rin naman ang nakalipas. Pwede bang kalimutan na lang natin ang tungkol sa bagay na iyon?” tanong nitong muli sa kaniya sa banayad na tinig. Mas lalong lumapad pa ang ngiti sa labi ni Olivia dahil sa kanyang narinig. Ngiti na puno ng lungkot. “Pwede, pero hintayin mo munang mamatay ako.” sabi niya. Alam niya na kapag namatay na siya ay hindi na siya makakaramdam pa ng kahit na ano pang sakit. “Tandaan mo na kahit na anong gawin mo, kahit na mamatay pa ako ay hinding-hindi kita mapapatawad sa ginawa mo.” puno ng lamig at pait na sabi niya rito. Ang sakit na dinulot ng ginawa nito ay umukit sa kalaliman ng kanyang puso. Ilang sandali pa ay niyakap siya nito ng mahigpit. “Olivia, tandaan mo rin na hindi ko na hinahangad pa ang kapatawaran mo pero handa akong gawin ang lahat basta manatili ka lang sa tabi ko. Sapat na iyon para sa akin.” sabi nito sa kaniya at pagkatapos ay binatawan na siya nito. Naging tahimik silang dalawa pagkatapos nun. Hindi nagtagal ay nakarating na sila sa bahay ni Tristan. Hindi siya nakapanlaban pa nang pagbaba niya ng kotse ay bigla na lamang siya nitong binuhat paakyat sa pangalawang palapag. Dumiretso ito sa isang silid at pagkatapos ay bigla na lamang siya nitong ibinagsak sa may kama. Bagamat malambot iyon ay parang nasaktan pa rin siya dahil sa payat niyang katawan. Ilang sandali pa ay bigla na lamang itong pumatong sa kaniya kung saan ay agad na tumama ang mainit nitong hininga sa kanyang mukha. Hindi pa man niya ito naitutulak nang bigla na lamang nitong kagatin ang kanyang punong tenga. “Kung hindi ka inaantok ay pwede muna tayong gumawa ng isang masayang bagay. Panigurado kapag natapos tayo ay makakatulog ka na kaagad dahil sa pagod.” mahinang bulong nito sa kaniya. “Ano ba ha?!” galit na sigaw ni Olivia rito at pagkatapos ay tinulak niya ito ngunit hindi niya ito maitulak. “Ito lang ba ha? Ito lang ba ang dahilan kaya mo ako hinanap?!” galit na galit na sigaw ni Olivia rito. “Ayoko sayo! Layuan mo ako!” nagpumiglas siya. Nang marinig naman ni TRistan ang sinabi niya ay agad na nagtagis ang mga bagang nito. “Anong sabi mo? Bakit ha? Mas magaling ba yung iba kaysa sa akin?” tanong nito at pagkatapos lang nitong sabihin iyon ay bigla niyang naramdaman ang mainit nitong labi sa kanyang leeg at bumaba hanggang sa balikat niya. Sa sumunod na sandali ay bigla na lamang nitong pinunit ang damit niya. Sa ilang minutong panlalaban niya ay parang naubos ang lakas niya. Wala siyang laban rito. Ilang sandali pa ay isang mainit na luha ang dumulas mula sa kanyang mga mata. Ibinaba niya ang kanyang kamay at hindi na nanlaban pa. Hinayaan niya ito, lumipas ang ilang minuto hanggang sa tuluyan niya nang naibuka ang kanyang bibig. “Tristan, hindi ka ba nasusuka sa ginagawa mo?” tanong niya sa mahina at nanginginig na tinig.Ilang sandali pa nga ay binitawan siya ni Tristan at napabuntung-hininga. “Kung ganun, bakit hindi ka lumaban?” tanong nito sa kaniya.Nang marinig naman niya ang tanong nito ay dahan-dahan niya itong binalingan. Halos tumaas ang sulok ng kanyang labi ng mga oras na iyon. “Sa tingin mo ba ay may silbi pa kapag nanlaban ako?” balik niyang tanong rito. “Hindi ba at iyon naman ang gusto mo? Ang maging masunurin ako sa lahat ng gusto mo.” dagdag pa niyang sabi rito.“Olivia…” tawag nito sa kaniya at pagkatapos ay hinawakan nito ang kanyang baba at bahagyang pinisil. Ang hininga nito ay tumatama na sa kanyang mukha ng mga oras na iyon. “Oo nga, gusto ko ngang maging masunurin ka pero hindi sa punto na para ka na lang isang estatwa na hindi man lang gumagalaw. Sa tingin mo ba ay magiging masaya ako sa ganun?” tanong nito sa kaniya.Tumaas ang sulok ng kanyang labi ng tuluyan at sinalubong ang mga mata nito na. “Huwag kang umasa na, dahil kahit na anong gawin mo hinding-hindi mo ako mapapasu
BIGLANG NAMULA ANG mga mata ni Missy dahil sa sinabi nito. Napuno ng sama ng loob ang kanyang dibdib. “Tristan nakalimutan mo na ba kung sino ako? Hindi ako ibang babae lang dahil asawa mo ako!” puno ng hinanakit na sambit niya rito.“Sa papel lang naman tayo kasal hindi ba?” malamig na tanong ni Tristan sa kaniya. Napakagat sa kanyang labi si Missy nang marinig niya ang sinabi nito ngunit sa kabila nun ay tiniis niya ang sakit na gumuhit sa kanyang dibdib at hindi niya hinayaang malaglag ang luha sa kanyang mga mata.Malamig ang mga matang ni Tristan na nakatingin sa kaniya ng mga oras na iyon katulad ng dati. “Huwag mo akong susundan. Kung gusto mong kumain sa restaurant na iyon ay kumain ka pero pumunta ka mag-isa mo at kung ayaw mo naman ay mas mabuting i-cancel mo na lang iyon.” sabi nito. Sa kabila ng pagpipigil niya sa kanyang emosyon ay nahulog pa rin ang isang butil ng luha mula sa kanyang mga mata sa isang iglap at nasundan pa.“Tristan…” sabi niya at inabot ang kamay nito.
PAGDATING NI TRISTAN sa bahay ay sarado pa rin ang pinto ng silid ni Olivia. Mabilis siyang lumapit rito. “Olivia…” tawag niya at kumatok sa pinto. Napakalambot ng tawag niya rito ng mga oras na iyon. At kung ikukumpara sa pakikitungo niya kay Missy ay napakalayo ng pakikitungo niya kay Olivia. “Tanghali na, bumangon ka na.” muli niyang sabi ngunit tahimik pa rin sa loob ng silid at nananatiling walang sagot.Ilang beses pa siyang kumatok at tinawag ito ngunit tuluyan na nga siyang naubusan ng pasensya. Sa pag-aakala niyang ginagawa nito iyon dahil nagrerebelde ito sa kaniya ay bigla siyang nagalit. “Olivia…” muli siyang kumatok ngunit ang kanyang tinig ng mga oras na iyon ay puno na ng inis at medyo pasigaw na rin ang kanyang pagsasalita. “Lumabas ka na diyan ngayon din, huwag mo akong hamunin dahil baka hindi mo magustuhan ang gagawin ko sayo.” puno ng banta na sabi niya ngunit walang sumagot.“Lumabas ka na. Hindi uubra sa akin ang pagtitiis mo sa gutom mo!” sigaw niya ulit ngunit
HALOS DALAWANG ORAS PA ang lumipas ay nanatili pa ring walang malay si Olivia. Tulog na tulog pa rin ito habang nakahiga at mahigpit na nakapikit ang mahahaba nitong pilikmata. Ang mukha nito ay napakaputla. Sa mga oras na iyon ay nanatili si Tristan sa tabi nito at hindi umalis.Tumunog muli ang cellphone ni Tristan ng mga oras na iyon. Sa katunayan ay ilang beses na iyong tumunog at ngayon niya lang iyon sinagot. Si Kent ang tumatawag sa kaniya, ang kanyang assistant upang magtanong patungkol sa kanyang mga schedule sa hapon na iyon. “Gusto kong ipagpaliban mo ang lahat ng mga meetings ko ngayong hapon hanggang bukas. Ang mga naiwan kong trabaho sa opisina ay ipadala mo na lang sa aking email at dito ko na lang gagawin. Ipinadala ko rito ang laptop ko.” simpleng sagot niya sa tanong nito.“Sige po sir.” magalang na sagot naman nito sa kaniya.NANATILING tulog si Olivia at halos padilim na nang magmulat siya ng kanyang mga mata. Kulay puting kisame ang sumalubong sa kanyang mga mata
PINAUPO SIYA NI TRISTAN sa kama at pagkatapos ay kumuha ito ng malamig na tubig at isang tuwalya pagkatapos ay ipinunas nito sa kamay niya na napaso. Halos kalahating oras nitong pinunasan ang kamay niya at nang makita nitong medyo nawawala na ang pamumula ng kamay niya at binuksan nito ang ointment na ipinakuha nito sa tauhan nito at pagkatapos ay ipinahid ito sa kamay nya.“Mas maganda na ba ang pakiramdam mo ngayon?” tanong nito sa kaniya sa masuyong paraan. Dahil naman sa pagkakatanong nito sa kaniya ay mabilis niyang binawi ang kanyang kamay mula rito. Hindi siya sumagot. Sa sumunod na sandali ay napabuntung-hininga ito at tumalikod sa kaniya. Ilang sandali pa ay bumalik ito na may hawak na isang baso at inilapag sa mesa. “Maligamgam na lang yan ngayon, saktong-sakto kapag ininom mo.” sabi nito sa kaniya.Sa oras naman na iyon ay biglang may kumatok. Nang bumukas ang pinto ay pumasok ang assistant ni Tristan na si Kent. “sir…” tawag nito kay Tristan.“Ano?” malamig naman na tanon
Sa labas naman ng pinto ay matiyagang naghihintay si Kent. ilang sandali pa nga ay lumabas na rin sa wakas mula sa loob si Tristan kaya dali-dali niya itong nilapitan. “Sir…” sabi niya kaagad rito.Hindi siya nito nilingon ngunit mabilis itong nagsalita. “Dalhin mo ang kontrata kay Mr. Hidalgo at sabihin mo na pumapayag na ako.” sabi nito sa kaniya.Nang marinig niya ito ay sandali siyang natigilan at hindi makapaniwalang tumingin rito. “Sir, pumapayag ka ba talaga?” gulat pa ring tanong niya rito. Kung hindi nga mismo sa bibig nito galing iyon ay baka hindi siya maniniwala.“Oo.” mabilis na tumango ito sa kaniya. Idagdag pa na labis niyang ikana-sorpresa ang pagiging kalmado nito.“Pero sir, hindi ba kapag nangyari iyon ay halos sampung milyon din ang mawawala sayo at sa kumpanya?” sabi niya dahil sinusubukan niya itong hikayatin. Baka kasi sakaling magbago ang isip nito.Ngunit wala man lang itong isinagot sa kaniya. Alam niyang narinig naman nito ang sinabi niya ngunit parang wala
DAHIL NAMAN SA KANIYANG pananahimik ay bigla na lamang siyang tiningnan ni Tristan at para bang nabasa nito ang iniisip niya. Tumigil ito sa pagsubo at nagsalita. “Alam mo, kumain ka muna para magkalakas ka na makipag-away sa akin dahil kung gutom ka ay tiyak na manghihina ka at mas malaki ang posibilidad na magawa ko sayo ang mga gusto kong gawin dahil wala kang lakas manlaban.” sabi nito sa kaniya.Biglang nagtagis ang mga ngipin niya nang marinig niya ang sinabi nito. “Tristan, may puso ka pa ba? Hindi mo ba nakikita na may sakit ako?” galit na tanong niya rito.“Alam mo naman palang may sakit ka pero nagmamatigas ka pa. E manong kumain ka na lang para may lakas ka.” tumigil ito at napabuntung-hininga. “Isipin mo, wala kang ibang maaasahan ngayon kundi ako lang.” dagdag pa nitong sabi sa kaniya. Hindi pa rin siya umimik at muli na naman itong nagsalita. “Tyaka, kung iniisip mo na napaka-walang puso ko dapat malaman mo na wala akong pakialam sa ibang tao, pero ikaw may pakialam ako
ILANG SANDALI PA AY LUMABAS NA nga sa kumot si Olivia. Dahil nga sa ilang minutong pagtalukbong, nang tamaan ito ng ilaw ay mas lalo pang naging maputi ang mukha nito na may pawis pa sa noo nito na mas lalo pang nagpatingkad ng kagandahan nito. Lumanghap ito ng sariwang hangin at napapikit kung saan ay nagtaas baba pa ang dibdib nito. Napalunok naman si Tristan habang nakatitig rito at ang kanyang adam’s apple ay gumulong. Nitong mga nakalipas na taon na wala ito sa tabi niya ay hindi man lang siya nagkaroon ng kaunting gusto sa ibang babae. Hindi niya nga tuloy maiwasang isipin na baka may mali sa kanyang katawan dahil doon. Pero habang pinagmamasdan niya ang bawat galaw nito ay nalaman niya na hindi niya kayang pigilan ang kanyang sarili.Bigla siyang nagkaroon ng isang ideya sa kanyang isip at biglang naglakad pasulong, palapit rito. Pagkatapos lang ng ilang segundo, ang katawan ni Olivia ay natabunan ng anino. Yumuko siya at sa pangalawang pagkakataon ay muli niyang hinalikan an