BIGLANG NAMULA ANG mga mata ni Missy dahil sa sinabi nito. Napuno ng sama ng loob ang kanyang dibdib. “Tristan nakalimutan mo na ba kung sino ako? Hindi ako ibang babae lang dahil asawa mo ako!” puno ng hinanakit na sambit niya rito.
“Sa papel lang naman tayo kasal hindi ba?” malamig na tanong ni Tristan sa kaniya. Napakagat sa kanyang labi si Missy nang marinig niya ang sinabi nito ngunit sa kabila nun ay tiniis niya ang sakit na gumuhit sa kanyang dibdib at hindi niya hinayaang malaglag ang luha sa kanyang mga mata.
Malamig ang mga matang ni Tristan na nakatingin sa kaniya ng mga oras na iyon katulad ng dati. “Huwag mo akong susundan. Kung gusto mong kumain sa restaurant na iyon ay kumain ka pero pumunta ka mag-isa mo at kung ayaw mo naman ay mas mabuting i-cancel mo na lang iyon.” sabi nito. Sa kabila ng pagpipigil niya sa kanyang emosyon ay nahulog pa rin ang isang butil ng luha mula sa kanyang mga mata sa isang iglap at nasundan pa.
“Tristan…” sabi niya at inabot ang kamay nito. Puno ng pagmamakaawa ang kanyang tinig. “Bakit napakalamig mo sa akin? Wala ka ba talagang pakialam sa akin? Wala naman akong gusto, ang gusto ko lang ay ang makasabay kang kumain.” kagat-labing sabi niya habang tumutulo ang luha.
Kahit na umiiyak na siya ng mga oras an iyon ay parang wala lang nakikita si Tristan at blangko pa ring nakatingin sa kaniya. “Noon pa man ay ganito na talaga ang ugali ko. Kung pakiramdam mo ay may mali sa ugali ko, pwes makipaghiwalay ka. Huwag mong pahirapan ang sarili mo na matali sa akin, marami pang ibang lalaki sa mundo hindi lang ako.” puno ng lamig na sabi nito sa kaniya.
Sa kanyang narinig ay mas lalo pang kumirot ang kanyang dibdib dahil sa sakit. Puno ng lungkot ang kanyang mga mata na nakatingin rito. “Tristan, sinabi ko na sayo na ayaw ko sa iba, dahil ikaw lang ang gusto ko. Ikaw lang!” napahikbi siya.
Napatigil naman sandali si Tristan dahil sa sinabi niya at tumitig sa kanyang mga mata. “Missy, sinabi ko rin sayo na hindi kita gusto dahil ang may gusto sayo ay ang Mommy ko at hindi ako. Kahit na anong gawin mo ay hinding-hindi ko maibabaling sayo ang nararamdaman ko at kung hindi mo na makaya pa ang ganito ay pwede ka ng makipaghiwalay sa akin kahit na anong oraw. Makikipagtulungan ako sayo kapag ginawa mo iyon.” sabi nito sa kaniya.
Pagkatapos magsalita ni TRistan ay napatitig siya sa number 2 dahil doon tumigil ang elevator. Ubos na ang kanyang pasensiya ng mga oras na iyon at naiinis na siya. “Lalabas ka ba o ako ang lalabas?” malamig na tanong niya rito.
Napakagat-labi naman si Missy sa narinig at mabilis na napailing. “Hindi ako lalabas. Sasama ako sayo.” matigas na sabi niya rito.
Hindi naman makapagsalita si Tristan dahil sa gulat. Dahil doon ay mabilis siyang humakbang palabas ng elevator upang muling sumakay sa iba pa. Dali-dali siyang pumasok at pinindot ang ground floor.
Ilang minuto pa ang lumipas bago tuluyang nakabawi si Missy at dali-dali niyang hinabol si Tristan. “Hintayin mo ako Tristan, sasama ako!” sigaw niya at iniunat niya ang kanyang kamay patungo sa elevator ngunit kahit na ginawa niya iyon ay huli na. Pasara na ang elevator at ang tanging nakita na lamang niya ay ang malamig na mukha ni Tristan habang nakatingin sa kaniya. Walang pakialam itong nakatingin sa kaniya.
Hindi na siya nakapagpigil pa at dali-dali siyang napadausdos sa sahig at napaiyak na lamang. Ilang sandali pa ay doon na lumapit ang assistant ni Tristan na si Kent. “Miss Missy, malamig po ang sahig. Tumayo po kayo diyan at pumunta na lang po tayo sa opisina ni Sir.” sabi nito sa kaniya.
Samantala, nanatiling nakaupo pa rin si Missy sa sahig at umiiyak. Kahit na hindi niya sabihin kung gaano siya kalungkot ng mga oras na iyon ay tiyak na makikita at malalaman ng makakakita sa kaniya ang dala niya. “Wala naman siya doon, anong gagawin ko doon. Isa pa ay wala namang tao rito.” sagot niya.
“Pero Ma’am, napakaraming tao dito sa kumpanya. Paano na lang kapag may nakakita sa inyo na ganyan ang itsura ninyo, baka kung anong tsismis ang kumalat kaya mas mabuti pa na pumunta na lang tayo sa opisina ni sir.” puno ng panghihikayat na sabi nito sa kaniya.
“hindi ako pupunta.” malamig na sagot ni Missy rito at nanatiling nakatingin sa nakasarang elevator.
Napabuntung-hininga naman si Kent dahil sa isinagot nito sa kaniya at kaya niya ito pinapatayo doon ay dahil hindi lang para rito kundi para na rin sa kanyang amo. Pinilit niyang mag-isip ng paraan para mapatayo niya ito doon, hanggang sa tuluyan na nga siyang nakapag-isip. “Ma’am Missy, ito po ang utos ni sir TRistan sa akin kaya kailangan niyong sumunod sa akin. Ibinilin niya kayo sa akin.” sabi niya rito.
Samantala, nang marinig naman ni Missy ang sinabi nito ay agad siyang napataas ng ulo at agad na nagningning ang mga basa niyang mga mata. Puno ng tuwa na nagtanong siya rito. “Talaga? Inutusan ka niya?” nasisiyahang tanong niya rito.
Mabilis naman itong tumango sa kaniya. “Opo ma’am, isa pa ay alam niyo naman na ang ugali ni Sir. kung hindi niya sinabi ay bakit ko naman sana sasabihin hindi ba?” sabi nito sa kaniya. Dahil rito ay dali-dali siyang nagpunas ng kanyang pisngi at napangiti.
“Alam kong ganun lang talaga siya pero sa kabila nun ay alam kong nagmamalasakit rin naman talaga siya sa akin.” sabi niya at pagkatapos ay tumayo na mula doon.
“Syempre kayo po ang asawa ni Sir kaya syempre ay nagmamalasakit talaga siya sa inyo.” sabi ni Kent na labag na labag sa kalooban niya at halos mangiwi. Mabuti na lamang at hindi ito lumingon sa kaniya at nauna nang naglakad paalis doon.
PAGDATING NI TRISTAN sa bahay ay sarado pa rin ang pinto ng silid ni Olivia. Mabilis siyang lumapit rito. “Olivia…” tawag niya at kumatok sa pinto. Napakalambot ng tawag niya rito ng mga oras na iyon. At kung ikukumpara sa pakikitungo niya kay Missy ay napakalayo ng pakikitungo niya kay Olivia. “Tanghali na, bumangon ka na.” muli niyang sabi ngunit tahimik pa rin sa loob ng silid at nananatiling walang sagot.Ilang beses pa siyang kumatok at tinawag ito ngunit tuluyan na nga siyang naubusan ng pasensya. Sa pag-aakala niyang ginagawa nito iyon dahil nagrerebelde ito sa kaniya ay bigla siyang nagalit. “Olivia…” muli siyang kumatok ngunit ang kanyang tinig ng mga oras na iyon ay puno na ng inis at medyo pasigaw na rin ang kanyang pagsasalita. “Lumabas ka na diyan ngayon din, huwag mo akong hamunin dahil baka hindi mo magustuhan ang gagawin ko sayo.” puno ng banta na sabi niya ngunit walang sumagot.“Lumabas ka na. Hindi uubra sa akin ang pagtitiis mo sa gutom mo!” sigaw niya ulit ngunit
HALOS DALAWANG ORAS PA ang lumipas ay nanatili pa ring walang malay si Olivia. Tulog na tulog pa rin ito habang nakahiga at mahigpit na nakapikit ang mahahaba nitong pilikmata. Ang mukha nito ay napakaputla. Sa mga oras na iyon ay nanatili si Tristan sa tabi nito at hindi umalis.Tumunog muli ang cellphone ni Tristan ng mga oras na iyon. Sa katunayan ay ilang beses na iyong tumunog at ngayon niya lang iyon sinagot. Si Kent ang tumatawag sa kaniya, ang kanyang assistant upang magtanong patungkol sa kanyang mga schedule sa hapon na iyon. “Gusto kong ipagpaliban mo ang lahat ng mga meetings ko ngayong hapon hanggang bukas. Ang mga naiwan kong trabaho sa opisina ay ipadala mo na lang sa aking email at dito ko na lang gagawin. Ipinadala ko rito ang laptop ko.” simpleng sagot niya sa tanong nito.“Sige po sir.” magalang na sagot naman nito sa kaniya.NANATILING tulog si Olivia at halos padilim na nang magmulat siya ng kanyang mga mata. Kulay puting kisame ang sumalubong sa kanyang mga mata
PINAUPO SIYA NI TRISTAN sa kama at pagkatapos ay kumuha ito ng malamig na tubig at isang tuwalya pagkatapos ay ipinunas nito sa kamay niya na napaso. Halos kalahating oras nitong pinunasan ang kamay niya at nang makita nitong medyo nawawala na ang pamumula ng kamay niya at binuksan nito ang ointment na ipinakuha nito sa tauhan nito at pagkatapos ay ipinahid ito sa kamay nya.“Mas maganda na ba ang pakiramdam mo ngayon?” tanong nito sa kaniya sa masuyong paraan. Dahil naman sa pagkakatanong nito sa kaniya ay mabilis niyang binawi ang kanyang kamay mula rito. Hindi siya sumagot. Sa sumunod na sandali ay napabuntung-hininga ito at tumalikod sa kaniya. Ilang sandali pa ay bumalik ito na may hawak na isang baso at inilapag sa mesa. “Maligamgam na lang yan ngayon, saktong-sakto kapag ininom mo.” sabi nito sa kaniya.Sa oras naman na iyon ay biglang may kumatok. Nang bumukas ang pinto ay pumasok ang assistant ni Tristan na si Kent. “sir…” tawag nito kay Tristan.“Ano?” malamig naman na tanon
Sa labas naman ng pinto ay matiyagang naghihintay si Kent. ilang sandali pa nga ay lumabas na rin sa wakas mula sa loob si Tristan kaya dali-dali niya itong nilapitan. “Sir…” sabi niya kaagad rito.Hindi siya nito nilingon ngunit mabilis itong nagsalita. “Dalhin mo ang kontrata kay Mr. Hidalgo at sabihin mo na pumapayag na ako.” sabi nito sa kaniya.Nang marinig niya ito ay sandali siyang natigilan at hindi makapaniwalang tumingin rito. “Sir, pumapayag ka ba talaga?” gulat pa ring tanong niya rito. Kung hindi nga mismo sa bibig nito galing iyon ay baka hindi siya maniniwala.“Oo.” mabilis na tumango ito sa kaniya. Idagdag pa na labis niyang ikana-sorpresa ang pagiging kalmado nito.“Pero sir, hindi ba kapag nangyari iyon ay halos sampung milyon din ang mawawala sayo at sa kumpanya?” sabi niya dahil sinusubukan niya itong hikayatin. Baka kasi sakaling magbago ang isip nito.Ngunit wala man lang itong isinagot sa kaniya. Alam niyang narinig naman nito ang sinabi niya ngunit parang wala
DAHIL NAMAN SA KANIYANG pananahimik ay bigla na lamang siyang tiningnan ni Tristan at para bang nabasa nito ang iniisip niya. Tumigil ito sa pagsubo at nagsalita. “Alam mo, kumain ka muna para magkalakas ka na makipag-away sa akin dahil kung gutom ka ay tiyak na manghihina ka at mas malaki ang posibilidad na magawa ko sayo ang mga gusto kong gawin dahil wala kang lakas manlaban.” sabi nito sa kaniya.Biglang nagtagis ang mga ngipin niya nang marinig niya ang sinabi nito. “Tristan, may puso ka pa ba? Hindi mo ba nakikita na may sakit ako?” galit na tanong niya rito.“Alam mo naman palang may sakit ka pero nagmamatigas ka pa. E manong kumain ka na lang para may lakas ka.” tumigil ito at napabuntung-hininga. “Isipin mo, wala kang ibang maaasahan ngayon kundi ako lang.” dagdag pa nitong sabi sa kaniya. Hindi pa rin siya umimik at muli na naman itong nagsalita. “Tyaka, kung iniisip mo na napaka-walang puso ko dapat malaman mo na wala akong pakialam sa ibang tao, pero ikaw may pakialam ako
ILANG SANDALI PA AY LUMABAS NA nga sa kumot si Olivia. Dahil nga sa ilang minutong pagtalukbong, nang tamaan ito ng ilaw ay mas lalo pang naging maputi ang mukha nito na may pawis pa sa noo nito na mas lalo pang nagpatingkad ng kagandahan nito. Lumanghap ito ng sariwang hangin at napapikit kung saan ay nagtaas baba pa ang dibdib nito. Napalunok naman si Tristan habang nakatitig rito at ang kanyang adam’s apple ay gumulong. Nitong mga nakalipas na taon na wala ito sa tabi niya ay hindi man lang siya nagkaroon ng kaunting gusto sa ibang babae. Hindi niya nga tuloy maiwasang isipin na baka may mali sa kanyang katawan dahil doon. Pero habang pinagmamasdan niya ang bawat galaw nito ay nalaman niya na hindi niya kayang pigilan ang kanyang sarili.Bigla siyang nagkaroon ng isang ideya sa kanyang isip at biglang naglakad pasulong, palapit rito. Pagkatapos lang ng ilang segundo, ang katawan ni Olivia ay natabunan ng anino. Yumuko siya at sa pangalawang pagkakataon ay muli niyang hinalikan an
PAGBALIK NAMAN NI TRISTAN mula sa banyo ay nakita niyang tulog na si Olivia. Napatitig siya sa mukha nito na napakaganda bagamat may kapayatan na ito. “Fool…” bulong niya at pagkatapos ay hinawi ang mga buhok nito na nahulog sa noo nito. “Ang galing mong magdahilan…” mahinang bulong niya rito. Kahit na dahilan lang ang sinabi nito sa kaniya kanina ay naniwala pa rin siya rito at sumunod sa sinabi nito.“Gusto lang naman kitang makatulog ng maayos.” mahinang sabi niya rito.Samantala, sa panaginip naman ni Olivia ay parang may matigas na pader sa kanyang harapan. Ngunit ang pader na iyon ay mainit at hindi malamig. Pinanatili pa nga niya ang kanyang kamay sa pader na iyon dahil ang sarap nito sa kanyang pakiramdam.Kinabukasan, nag-ikot na nag doktor. Sinuri nito ang kanyang kalagayan at humupa na nang tuluyan ang kanyang lagnat ngunut nanatiling mahina pa rin ang kanyang katawan. Nang marinig naman ni Tristan na okay na ang sitwasyon ni Olivia ay tuluyan na ngang gumaan ang pakiramda
PAGKATAPOS NG ILANG ARAW na pagpapahinga ay nakatanggap ng isang tawag si Olivia mula sa direktor at sinabi nito na kailangan niyang mag-audition. Bagamat inimbitahan na siya nito ay kailangan pa rin niyang sumailalim sa proseso kaya kailangan niyang mag-audition. Kapag pinalampas pa niya ang oportunidad na iyon ay baka pagsisihan niya kaya kailangan niyang maghanap ng paraan para makalabas siya sa bahay ni TRistan lalo pa at napakahirap na gawin iyon dahil sa napakadami ng nagbabantay sa kaniya na tauhan nito.Bumagsak man siya ay babangon siya kaya kailangan niyang makaisip ng paraan. Nang gabing iyon ay iyon ay kaagad siyang lumapit kay Tristan upang magpaalam dahil alam niya na hindi siya makakalabas doon kapag walang pahintulot nito. “Gusto kong puntahan si Annie at ang mga bata bukas.” sabi niya rito.Bahagya naman itong natigilan at pagkatapos ay nilingon siya. “Magaling ka na ba?” tanong nito.Mabilis na tumango si Olivia rito. “Oo. magaling na ako.” sagot niya rito.Ilang san