Ilang sandali pa nga ay binitawan siya ni Tristan at napabuntung-hininga. “Kung ganun, bakit hindi ka lumaban?” tanong nito sa kaniya.
Nang marinig naman niya ang tanong nito ay dahan-dahan niya itong binalingan. Halos tumaas ang sulok ng kanyang labi ng mga oras na iyon. “Sa tingin mo ba ay may silbi pa kapag nanlaban ako?” balik niyang tanong rito. “Hindi ba at iyon naman ang gusto mo? Ang maging masunurin ako sa lahat ng gusto mo.” dagdag pa niyang sabi rito.
“Olivia…” tawag nito sa kaniya at pagkatapos ay hinawakan nito ang kanyang baba at bahagyang pinisil. Ang hininga nito ay tumatama na sa kanyang mukha ng mga oras na iyon. “Oo nga, gusto ko ngang maging masunurin ka pero hindi sa punto na para ka na lang isang estatwa na hindi man lang gumagalaw. Sa tingin mo ba ay magiging masaya ako sa ganun?” tanong nito sa kaniya.
Tumaas ang sulok ng kanyang labi ng tuluyan at sinalubong ang mga mata nito na. “Huwag kang umasa na, dahil kahit na anong gawin mo hinding-hindi mo ako mapapasunod sa gusto mo.” nanggagalaiti sa galit na sabi niya rito.
Napabuntung-hininga na lamang ito. Nang mga oras na iyon ay antok na antok na siya ngunit dahil sa ginawa nito ay hindi siya makatulog lalo na at nakapatong pa rin ito sa kaniya hanggang sa mga oras na iyon. Dahil rito ay napatitig na lamang siya sa kisame. “Hindi ka ba inaantok? Matulog ka na.” biglang sabi nito at umalis sa ibabaw niya ngunit nahiga naman sa tabi niya at niyakap ang kanyang beywang palapit rito.
Nilingon niya naman ito ng masama. “Sa tingin mo ba ay makakatulog ako sa ginagawa mo?” malamig na tanong niya rito.
Matapos namang marinig ni Tristan ang sinabi nito ay bigla na lamang niyang naramdaman ang malamig na katawan ni Olivia sa kaniya. Ilang sandali pa ay naramdaman niya na marahan siya nitong itinutulak kaya wala na lamang siyang nagawa kundi ang bumangon at naupo sa sofa na nasa gilid ng kama. Tiningnan niya ito ng madilim ang mga mata. “Matulog ka na sabi.” sabi niya rito.
Umirap naman sa kaniya ito. “Kung aalis ka rito ay baka sakaling makatulog ako, pero kung nandito ka baka imposible kong magawa iyon.” sagot nito at dahil doon ay inis siyang tumayo mula sa kanyang kinauupuan at dali-daling naglakad patungo sa pinto at marahas na isinara iyon dahil sa kanyang inis.
Samantala, nang sumara naman ang pinto ay nakahinga ng maluwag si Olivia. Agad niyang hinila ang kumot at tinakpan ang sarili niya at ibinalot. Hinayaan niya ang sarili niya na makulob sa loob ng katawan hanggang sa tumulo na ang pawis niya. Doon niya pa lamang iniangat ang kumot. Pagkatapos nito ay agad siyang tumayo upang maligo dahil napuno ng pawis ang buo niyang katawan.
Nang makaligo siya ay agad niyang ibinagsak ang sarili sa kama. Dahil sa magkahalong antok at pagod ay agad siyang nakatulog.
KINAUMAGAHAN, ibinilin ni Tristan sa kanyang mga tauhan na huwag nilang gisingin si Olivia at hayaan lang itong matulog at gumising sa kung anong oras nito gusto. Ngunit alas dose na nang tanghali ay nananatili pa ring sarado ang pinto ng kwarto at nakaramdam na nang takot ang mga tauhan ni Tristan na nagbabantay kay Olivia kaya hindi na sila nagdalawang isip pa at akmang tatawagan na sana nila ito nang bigla na lamang itong tumawag. Pagkasagot ng tauhan ni Tristan ang telepono ay kaagad na niyang narinig ang tinig nito mula sa kabilang linya. “Kumain na ba siya?” kaagad na tanong nito.
Napalunok naman ang tauhan ni Tristan ng isang beses bago ito sumagot. “Hindi pa po sir.” maingat at magalang na sagot niya rito.
Samantala, nang marinig naman ni TRistan ang sagot ng kanyang tauhan ay agad siyang napasandal mula sa kanyang kinauupuan at nakaunot ang kanyang kilay. “Bakit hindi pa siya kumakain hanggang ngayon? Tanghali na. Hindi niya ba gusto ang ipinaluto ko?” sunod-sunod na tanong niya.
“Hindi po sa ganun sir, pero kasi, hanggang ngayon ay hindi pa bumabangon si Miss Olivia. Dahil na rin po sa bilin ninyo na huwag namin siyang guluhin o pabangunin ay hindi pa namin siya kinakatok sa silid niya.” sagot nito.
Napabuntung-hininga siya bigla. “Naiintindihan ko, sige. Ihanda niyo na ang pagkain.” sabi niya bago tuluyang ibinaba ang tawag pagkatapos ay tumayo at dinampot niya ang susi ng kanyang kotse na nasa mesa ng mga oras na iyon.
Agad siyang lumabas ng kanyang opisina ngunit paglabas na paglabas pa lamang niya ay may isang matangkad na babae ang lumapit sa kaniya na may ngiti sa mga labi at agad na ikinawit ang braso nito sa kanyang braso. “Saktong-sakto. Kumain tayo, nag-book ako sa restaurant na paborito mo.” malambing na sabi nito sa kaniya.
Tumigil siya sa kanyang paglalakad at pagkatapos ay mabilis na iniunat ang kanyang kamat at itinulak ito palayo sa kaniya. “May kailangan pa akong gawin, ikaw na lang ang kumain mag-isa mo.” walang-gana at malamig na sabi niya rito.
“Pero Tristan…” napakagat labi si Missy ng mga oras na iyon ay tumingin sa lalaking nakatayo sa harapan niya. Mukhang hindi maganda ang mood nito. Ilang sandali pa ay hawak nito ang susi ng kotse nito at tinalikuran siya. Naglakad ito patungo sa elevator at pumasok. Hindi naman siya nag-aksaya ng kahit na isang segundo at mabilis na sumunod rito. Tiningnan niya ito na may nakakaawang mga mata. “Tristan, ano ba ang kailangan mong gawin na mas mahalaga pa kaysa sa pagkain? Hindi mo ba iyon pwedeng gawin pagkatapos kumain? Ibinook ko ang lunch na ito isang buwan bago ang araw na ito para sa ating dalawa.” sabi niya rito.
Nakatayo pa rin naman si Tristan sa loob ng elevator at ni hindi man lang siya tinapunan ng tingin. Hindi niya tuloy maiwasang isipin kung narinig ba nito ang sinabi niya o hindi. Nang makita niya ang number ng floor na malapit nang dumating sa unang palapag ay napakagat-labi siya at muling inabot ang braso ni Tristan upang hawakan ito. “Tristan, kumain na muna tayo okay? Kahit magpaka-busy kana pagkatapos nating kumain.” masuyong sabi niya rito. Ngunit hindi man lang gumalaw si TRistan o ni nilingon siya.
Ilang sandali pa ay muli nitong tinanggal ang kamay niya sa braso nito at lumayo sa kaniya. “Ikaw na lang. Marami pang pagkakataon sa hinaharap.” malamig na sabi nito at mukhang walang pakialam sa kaniya. Nilingon siya nito. “Missy, dapat mong malaman na ang pinaka-ayoko sa babae ay yung masyadong clingy.” walang kagatol-gatol na sabi nito sa kaniya.
…
BIGLANG NAMULA ANG mga mata ni Missy dahil sa sinabi nito. Napuno ng sama ng loob ang kanyang dibdib. “Tristan nakalimutan mo na ba kung sino ako? Hindi ako ibang babae lang dahil asawa mo ako!” puno ng hinanakit na sambit niya rito.“Sa papel lang naman tayo kasal hindi ba?” malamig na tanong ni Tristan sa kaniya. Napakagat sa kanyang labi si Missy nang marinig niya ang sinabi nito ngunit sa kabila nun ay tiniis niya ang sakit na gumuhit sa kanyang dibdib at hindi niya hinayaang malaglag ang luha sa kanyang mga mata.Malamig ang mga matang ni Tristan na nakatingin sa kaniya ng mga oras na iyon katulad ng dati. “Huwag mo akong susundan. Kung gusto mong kumain sa restaurant na iyon ay kumain ka pero pumunta ka mag-isa mo at kung ayaw mo naman ay mas mabuting i-cancel mo na lang iyon.” sabi nito. Sa kabila ng pagpipigil niya sa kanyang emosyon ay nahulog pa rin ang isang butil ng luha mula sa kanyang mga mata sa isang iglap at nasundan pa.“Tristan…” sabi niya at inabot ang kamay nito.
PAGDATING NI TRISTAN sa bahay ay sarado pa rin ang pinto ng silid ni Olivia. Mabilis siyang lumapit rito. “Olivia…” tawag niya at kumatok sa pinto. Napakalambot ng tawag niya rito ng mga oras na iyon. At kung ikukumpara sa pakikitungo niya kay Missy ay napakalayo ng pakikitungo niya kay Olivia. “Tanghali na, bumangon ka na.” muli niyang sabi ngunit tahimik pa rin sa loob ng silid at nananatiling walang sagot.Ilang beses pa siyang kumatok at tinawag ito ngunit tuluyan na nga siyang naubusan ng pasensya. Sa pag-aakala niyang ginagawa nito iyon dahil nagrerebelde ito sa kaniya ay bigla siyang nagalit. “Olivia…” muli siyang kumatok ngunit ang kanyang tinig ng mga oras na iyon ay puno na ng inis at medyo pasigaw na rin ang kanyang pagsasalita. “Lumabas ka na diyan ngayon din, huwag mo akong hamunin dahil baka hindi mo magustuhan ang gagawin ko sayo.” puno ng banta na sabi niya ngunit walang sumagot.“Lumabas ka na. Hindi uubra sa akin ang pagtitiis mo sa gutom mo!” sigaw niya ulit ngunit
HALOS DALAWANG ORAS PA ang lumipas ay nanatili pa ring walang malay si Olivia. Tulog na tulog pa rin ito habang nakahiga at mahigpit na nakapikit ang mahahaba nitong pilikmata. Ang mukha nito ay napakaputla. Sa mga oras na iyon ay nanatili si Tristan sa tabi nito at hindi umalis.Tumunog muli ang cellphone ni Tristan ng mga oras na iyon. Sa katunayan ay ilang beses na iyong tumunog at ngayon niya lang iyon sinagot. Si Kent ang tumatawag sa kaniya, ang kanyang assistant upang magtanong patungkol sa kanyang mga schedule sa hapon na iyon. “Gusto kong ipagpaliban mo ang lahat ng mga meetings ko ngayong hapon hanggang bukas. Ang mga naiwan kong trabaho sa opisina ay ipadala mo na lang sa aking email at dito ko na lang gagawin. Ipinadala ko rito ang laptop ko.” simpleng sagot niya sa tanong nito.“Sige po sir.” magalang na sagot naman nito sa kaniya.NANATILING tulog si Olivia at halos padilim na nang magmulat siya ng kanyang mga mata. Kulay puting kisame ang sumalubong sa kanyang mga mata
PINAUPO SIYA NI TRISTAN sa kama at pagkatapos ay kumuha ito ng malamig na tubig at isang tuwalya pagkatapos ay ipinunas nito sa kamay niya na napaso. Halos kalahating oras nitong pinunasan ang kamay niya at nang makita nitong medyo nawawala na ang pamumula ng kamay niya at binuksan nito ang ointment na ipinakuha nito sa tauhan nito at pagkatapos ay ipinahid ito sa kamay nya.“Mas maganda na ba ang pakiramdam mo ngayon?” tanong nito sa kaniya sa masuyong paraan. Dahil naman sa pagkakatanong nito sa kaniya ay mabilis niyang binawi ang kanyang kamay mula rito. Hindi siya sumagot. Sa sumunod na sandali ay napabuntung-hininga ito at tumalikod sa kaniya. Ilang sandali pa ay bumalik ito na may hawak na isang baso at inilapag sa mesa. “Maligamgam na lang yan ngayon, saktong-sakto kapag ininom mo.” sabi nito sa kaniya.Sa oras naman na iyon ay biglang may kumatok. Nang bumukas ang pinto ay pumasok ang assistant ni Tristan na si Kent. “sir…” tawag nito kay Tristan.“Ano?” malamig naman na tanon
Sa labas naman ng pinto ay matiyagang naghihintay si Kent. ilang sandali pa nga ay lumabas na rin sa wakas mula sa loob si Tristan kaya dali-dali niya itong nilapitan. “Sir…” sabi niya kaagad rito.Hindi siya nito nilingon ngunit mabilis itong nagsalita. “Dalhin mo ang kontrata kay Mr. Hidalgo at sabihin mo na pumapayag na ako.” sabi nito sa kaniya.Nang marinig niya ito ay sandali siyang natigilan at hindi makapaniwalang tumingin rito. “Sir, pumapayag ka ba talaga?” gulat pa ring tanong niya rito. Kung hindi nga mismo sa bibig nito galing iyon ay baka hindi siya maniniwala.“Oo.” mabilis na tumango ito sa kaniya. Idagdag pa na labis niyang ikana-sorpresa ang pagiging kalmado nito.“Pero sir, hindi ba kapag nangyari iyon ay halos sampung milyon din ang mawawala sayo at sa kumpanya?” sabi niya dahil sinusubukan niya itong hikayatin. Baka kasi sakaling magbago ang isip nito.Ngunit wala man lang itong isinagot sa kaniya. Alam niyang narinig naman nito ang sinabi niya ngunit parang wala
DAHIL NAMAN SA KANIYANG pananahimik ay bigla na lamang siyang tiningnan ni Tristan at para bang nabasa nito ang iniisip niya. Tumigil ito sa pagsubo at nagsalita. “Alam mo, kumain ka muna para magkalakas ka na makipag-away sa akin dahil kung gutom ka ay tiyak na manghihina ka at mas malaki ang posibilidad na magawa ko sayo ang mga gusto kong gawin dahil wala kang lakas manlaban.” sabi nito sa kaniya.Biglang nagtagis ang mga ngipin niya nang marinig niya ang sinabi nito. “Tristan, may puso ka pa ba? Hindi mo ba nakikita na may sakit ako?” galit na tanong niya rito.“Alam mo naman palang may sakit ka pero nagmamatigas ka pa. E manong kumain ka na lang para may lakas ka.” tumigil ito at napabuntung-hininga. “Isipin mo, wala kang ibang maaasahan ngayon kundi ako lang.” dagdag pa nitong sabi sa kaniya. Hindi pa rin siya umimik at muli na naman itong nagsalita. “Tyaka, kung iniisip mo na napaka-walang puso ko dapat malaman mo na wala akong pakialam sa ibang tao, pero ikaw may pakialam ako
ILANG SANDALI PA AY LUMABAS NA nga sa kumot si Olivia. Dahil nga sa ilang minutong pagtalukbong, nang tamaan ito ng ilaw ay mas lalo pang naging maputi ang mukha nito na may pawis pa sa noo nito na mas lalo pang nagpatingkad ng kagandahan nito. Lumanghap ito ng sariwang hangin at napapikit kung saan ay nagtaas baba pa ang dibdib nito. Napalunok naman si Tristan habang nakatitig rito at ang kanyang adam’s apple ay gumulong. Nitong mga nakalipas na taon na wala ito sa tabi niya ay hindi man lang siya nagkaroon ng kaunting gusto sa ibang babae. Hindi niya nga tuloy maiwasang isipin na baka may mali sa kanyang katawan dahil doon. Pero habang pinagmamasdan niya ang bawat galaw nito ay nalaman niya na hindi niya kayang pigilan ang kanyang sarili.Bigla siyang nagkaroon ng isang ideya sa kanyang isip at biglang naglakad pasulong, palapit rito. Pagkatapos lang ng ilang segundo, ang katawan ni Olivia ay natabunan ng anino. Yumuko siya at sa pangalawang pagkakataon ay muli niyang hinalikan an
PAGBALIK NAMAN NI TRISTAN mula sa banyo ay nakita niyang tulog na si Olivia. Napatitig siya sa mukha nito na napakaganda bagamat may kapayatan na ito. “Fool…” bulong niya at pagkatapos ay hinawi ang mga buhok nito na nahulog sa noo nito. “Ang galing mong magdahilan…” mahinang bulong niya rito. Kahit na dahilan lang ang sinabi nito sa kaniya kanina ay naniwala pa rin siya rito at sumunod sa sinabi nito.“Gusto lang naman kitang makatulog ng maayos.” mahinang sabi niya rito.Samantala, sa panaginip naman ni Olivia ay parang may matigas na pader sa kanyang harapan. Ngunit ang pader na iyon ay mainit at hindi malamig. Pinanatili pa nga niya ang kanyang kamay sa pader na iyon dahil ang sarap nito sa kanyang pakiramdam.Kinabukasan, nag-ikot na nag doktor. Sinuri nito ang kanyang kalagayan at humupa na nang tuluyan ang kanyang lagnat ngunut nanatiling mahina pa rin ang kanyang katawan. Nang marinig naman ni Tristan na okay na ang sitwasyon ni Olivia ay tuluyan na ngang gumaan ang pakiramda