Chapter 35

Erika's Pov

"Ihahatid na kita sa bahay mo, Erika."

Palabas na ako sa office ko para umuwi nang lapitan ako ni David. Ang alam ko ay nasa meeting ito para sa launching ng project namin na nasa last phase na bago i-release sa market. Ka-meeting nito ang iba pang mga investors dahil hindi lamang si Charles ang nahikayat naming mag-invest sa project na ito. Ngunit aaminin ko na nakatulong ng malaki ang pag-invest ni Charles. Nang malaman kasi ng ibang investors na nag-invest sa kompanya ni David ang kompanya naman ni Charles ay saka naengganyong mag-invest din ang iba pang mga investors.

"Don't bother, David. Alam ko na sobrang busy ka ngayon dahil sa kaliwa't kanang meeting na inaatiran mo. Mas mabuting umuwi ka na para makapagpahinga ka dahil mas magiging busy ka kapag nai-launch na sa market ang product natin," sagot ko kay David. Ayokong makadagdag pa sa kanyang pagod na nararamdaman.

"Pero nag-aalala ako sa'yo, Erika. Ayaw mo namang kumuha ng bodyguard para mapanatag ang loob ko," pa