Chapter 34

Erika's Pov

Bisita ko ngayon si David. Pagkatapos nga ng kanyang meeting ay nagtungo siya sa bahay ko dahil nag-aalala pa rin siya sa amin ni Rose. At habang nasa sala kami ni David nag-uusap ay ilang beses na dumaan sina Rose at Charles kahit na wala naman silang gagawin sa ibaba.

Nasa bahay ko pa si Charles dahil gusto ni Rose na makatabing matulog sa kuwarto nito ang ama. Siguro ay labis na natakot ang anak ko sa nangyari kanina kaya hinayaan ko siya sa gusto niyang mangyari. Hindi na ako tumutol. Kung sa pamamagitan ni Charles ay mawawala ang takot na naramdaman ng anak ko ay papayagan kong sa bahay ko matulog ang huli. Si Rose naman ang katabi niya sa kama at hindi ako.

"I think, you need to hire a bodyguard, Erika," suhestiyon ni David matapos umakyat ni Charles sa hagdan. Bumaba ulit ito at kumuha ng gatas para kay Rose. "Hindi na biro ang gustong mangyari ng taong iyon. Gusto ka niyang patayin. At mas lalong delikado dahil hindi mo alam kung sino ang nagpapapatay sa'yo. Nasa