Chapter 40

Erika's Pov

I'm totally healed right now. Sa Lunes ay papasok na ako sa office. Natitiyak kong maraming trabaho sa opisina ang naghihintay sa akin. Almost four weeks akong hindi nakapasok sa opisina dahil gusto ni David na talagang magaling na ako at walang nararamdamang maski maliit na sakit sa katawan kapag bumalik na ako sa trabaho.

Si Rose ay nasa school kasama ang maid ni Charles na si Mona na siyang pansamantalang yaya nito. Nag-hired si Charles ng driver-bodyguard na siyang tagahatid at sundo kay Rose sa school para hindi ako mag-alala sa kaligtasan ng anak ko.

Nabo-bored ako sa bahay ni Charles dahil wala naman akong ginagawa kaya nagpasya akong lumabas ng bahay at mag-alis ng mga tuyong dahon sa mga halaman na nasa harapan ng bahay ni Charles.

"Ano ang ginagawa mo, Ma'am Erika? Pagagalitan ako ni Sir Charles kapag nalaman niyang nagtatrabaho ka," nag-aalalang wika ni Leonora, isa sa apat na maid ni Charles. Lumapit siya sa akin at kinuha mula sa kamay ko ang malaking gunting