Chapter 45

Erika's Pov

Pinanindigan ni Charles ang pag-iwas sa akin. Madalas ay hindi siya sa bahay natutulog at kung umuuwi man siya ay malalim na ang gabi at nakainom pa. Hindi ko na kaya pa ang ginagawa niyang pagtrato sa akin na para bang hindi ako nagi-exist kaya nagdesisyon akong kakausapin ko siya kapag umuwi siya. Magpapaalam ako sa kanya na babalik na kami sa bahay namin.

Malalim ang iniisip ko kaya hindi ko namalayan na pumasok sa loob ng opisina ko ang aking secretary at kinausap ako. Nagising lamang ako nang malakas na ipinitik niya sa harapan ng mukha ko ang kanyang mga daliri.

"I'm sorry. Malalim ang iniisip ko kaya hindi kita napansin na pumasok sa opisina ko," paumanhin ko sa aking secretary na nakakunot ang noo.

"Ang lalim naman ng iniisip mo, Ma'am Erika. Excited akong nagbabalita sa'yo ng outcome ng product launching pero wala ka palang naririnig," dismayado ang mukha na sagot nito sa akin.

"I'm sorry," muli kong paumanhin sa kanya. "Ano nga uli ang sinasabi mo?"

Ngumiti siya