Chapter 52

Erika's Pov

Huminga ako ng malalim para pakalmahin ang aking sarili. Hindi ako puwedeng magpanic. Walang makakatulong sa akin at hindi ako makakapag-isip kung magpapanic ako. Ilang beses akong huminga ng malalim at nagbuga ng hangin hanggang sa nabawasan ang aking panic attack.

Kinalampag ko ng malakas ang pintuan ng elevator at malakas ang tinig na humingi ako ng tulong. Nagbabakasakali akong may makarinig sa akin kahit isa sa tatlong guard ng kompanya na nagbabantay sa building.

"Tulong! Nasa loob ako ng elevator! Tulungan niyo ako!" Ilang beses akong sumigaw para humingi ng tulong ngunit kahit anong lakas ng boses ko ay walang nakakarinig sa akin. Para bang walang tao sa buong building maliban sa akin.

Biglang naalala ko ang lalaking bumangga sa akin kaninang umaga. Sa tingin ko ay siya ang may kagagawan ng pagka-trap ko sa loob ng elevator. Nakapasok sa loob ng building ng kompanya ni David ang tauhan ng taong nagpapapatay sa akin. Hindi talaga siya titigil hangga't hindi niya ak