Chapter 53

Erika's Pov

Nang pagbalikan ako ng malay ay nasa loob na ako ng hospital at nakahiga sa hospital bed. Mag-isa lamang ako sa silid at walang nagbabantay sa akin kaya hindi ko alam kung sino ang nagdala sa akin dito. Ang huling natatandaan ko ay na-trap ako sa loob ng elevator at naubusan ng hangin kaya ako hinimatay. Akala ko ay patay na ako. Akala ko iyon na ang katapusan ko. Ngunit hindi pa pala. Dahil may taong nagligtas sa akin.

Nang mailabas ako sa elevator at muling nawalan ng malay sa pangalawang pagkakataon ay may nakita akong pigura ng tao. Ngunit malabo ang paningin ko at halos dalawang segundo lamang akong nagmulat ng mga mata bago ako muling pumikit at nawalan ng malay kaya hindi ko nakilala kung sino ang nagligtas sa akin.

Akmang babangon na ako sa kama nang biglang bumukas ang pintuan at pumasok ang isang nurse.

"Huwag ka munang bumangon sa higaan dahil nanghihina ka pa, Erika. Magpahinga ka na lang muna para mabilis kang gumaling," kausap sa akin ng nurse nang lapitan n